قورآندا عوموم تورك منشألي سؤزلر

نوت: بو يازي سٶزوموز يازيمينا گٶره ائديت ائديلميشدير. [ديرناق ايچينده كيلر] طرفيميزدن آرتيريلميشدير. مئهران باهاري

و . م محمــد عليف

[قورآنداكي توركجه سٶزلر]

كيلاسيك عرب ديلي‌نين ان مؤحتشم ديل آبيده‌ سي ساييلان قورآن اؤز لئكسيكاسي باخيميندان چوخ زنگين و رنگارنگدير. قورآندا عرب سؤزلري ايله ياناشي، بير چوخ فارس، آرامي، يهودي (عيبراني)، يونان سؤزلري ده ايشله ‌ديلميشدير. بونو گٶزه ل باشا دوشه ن اورتا عصر عرب قيراماتيك و لئكسيكولوقلاري قورآن´ين ديليندن بحث ائده ركن اوردا دا منشأ ائعتيباريله غئير-ي عرب سؤزلري‌نين ايشله نديييني گؤسته رميش فارس سؤزلري: جناح، زنجبيل، مداد، كافور، سجيل، تنور، درهم؛ يونان سؤزلري: ابليس، قيستاس؛ يهودي (عيبراني) سؤزلر: يم، آمين، ربانيّون؛ قيبطي سؤزو: حيطه و الي آخر، لاكين عئيني زاماندا همين سؤزلرين آرتيق چوخدان عربله شديييني ده (معربون) قئيد ائتميشلر. (1)

عرب قيراماتيكلري قورآندا يالنيز بير تورك منشألي سؤزون (غسّاق) ايشله ندييني گٶسته ريرلر. (2) لاكين آراشديرمالار قورآندا بير دئييل، بير نئچه تورك منشألي سؤزون مؤوجود اولدوغونو ثوبوت ائدير كي، بو كيچيك مقاله ده قورآندا ايشله ‌نميش اوچ سؤزدن بحث ائديله‌ جكدير.

[غساق]

جواليقي قورآندا يابانجي سؤز ايشله ديلمه ‌ديييني ايشله‌ ديلسه ‌ده، بونون بير تصادوف اولدوغونو قئيد ائده ن عرب عاليمي ابوعبيده´نين بو ايدديعاسينا قارشي چيخيب «غساق» (قوخوموش، اييله ‌نميش، سويوق) سؤزونون تورك منشألي اولدوغونو قئيد ائدير. اونون رأييجه، قورآندا «غساق» كيمي ايشله‌ نيب بعضن «غساق» كيمي ده اوخونان بو سؤز تورك ديلينده «قوخوموش»، «سويوق» (البارد المنتن) معنالاريني بيلديرير، قورآندا ايسه همين سؤز «ساري سو» معناسيندا ايشله‌ نميشدير، جواليقي اٶز فيكرينده مؤحكم دورماييب «غساق»ين عرب سؤزو ده اولا بيله‌ جه‌ ييني گٶسته رير. (3)‌ مشهور عرب عاليملريندن سيوطي و شهاب الدّين احمد خفاجي ده همين سؤزون تورك منشألي اولدوغونو يازيرلار. (4)‌

قورآندا «لايذوقون فيها برداً و لاشراً با الاهيماً و غساقا» (23 ـ 24 ـ 25) «اونلار اورادا (جهننمده) قاينار سو و ايريندن (قوسونتودان‌) ‌باشقا نه بير سرينليك، نه ده بير ايچگي داداجاقلار» آيه ‌لرينده كي «غساق» سؤزونون اصلينده «‌سويوق سو» ايله هئچ بير علاقه ‌سي يوخدور. بونو قورآن´ين مشهور موفسسيرلريندن فخرالدّين قاضي دا قئيد ائدير. (5) «غساق» سؤزو محممد پئيغمبر´ين ديليندن سؤيله ‌نيله ن «لوان دلو من غساق يهراق في الدّنيا لانتن اهل الدّنيا» «اگر غساقدان (ايريندن، قوسونتودان)‌ بير چاناق يئر اوزه‌ رينه (دونيايا) تؤكولسه ‌يدي، دونيا اهاليسي چوخ پيس قوخوياردي» ‌حديثينده ده عئيني معنادا ايشله ‌نميشدير.(6) محممد پئيغمبر´ين عميسي اوغلو علي ابن ابوطالب و قيزي (علي´‌نين آروادي) فاطيمه‌´دن روايت اولونان «‌شرابهم الحميم الغسلين»‌ «اونلارين (جهننمده ‌كيلرين) ايچگيسي قاينار سو و ايريندير (قوسونتودور)» ‌حديثينده ‌كي «غيسلين» سؤزو ده عئيني معناني ايفاده ائدير. (7)

«غساق»ين تورك منشألي اولدوغونو قئيد ائده ن اورتا عصر عرب مو´لليفلري بو سؤزون ائيتمولوژيياسيني ايضاح ائتمه ‌ميشلر، قئيد ائتمك لازيمدير كي، تورك ديللرينده عئيني زاماندا هم «‌سويوق»‌، همده «قوسونتو» معناسيندا ايشله ‌نه ن واحيد بير سؤز (اومونيم) مؤوجود دئييلدير. سؤزون ترجومه ‌سيندن گؤروندويو كيمي، او «قوسماق»‌ فئعليله علاقه ‌داردير.

عرب لوغتلرينده «غساق»، «غساق»، «غيسلين»‌، «غساله» سؤزلري‌نين بير ـ بيرينه ياخين معنادا ايشله نديكلري گٶسته ريلدييي حالدا، بونلارين باشقا ـ باشقا كؤكلردن دوزه‌ لدييي قئيد ائديلير، عئين زاماندا «‌غسق» كؤكونون «فا / عيـ / لا» مودئللرينده «گئجه زيل قارانليق اولماق»، «ياشار/ ماق گوز» [؟]، «سويوق اولماق»، «قوخوماق»، «يارادان ساري سو (ايرين) آخماق»‌ كيمي موختليف معنالاردا ايشله نمه‌ سي لئكسيكوقرافلاري تعججوبله نديرير. لاكين تورك ديللرينده كي «كا ـ كي ـ قوس» كؤكونون معنالاريني نظردن كئچيرديكده بو تعججوب و حئيرت آرادان قالخير. (8) يوخاريداكي مو´لليفلرين اثرلرينده منشأ‌ ائعتيباريله تورك سؤزو حئساب ائديله ن «غساق» كلمه‌ سي تورك ديللرينده كي «كوسوك، كوسكو» قوشما سؤزلري ايله علاقه‌ داردير (موق. ائت: تورك ديلينده «كوس» ـ ياقوت ديلينده «هوتو آ» ـ چوواش ديلينده «هوس» كؤكلري). «كوسيق»، «كوسوق»‌ سؤزلريندن فونئم عوضله نمه ‌لريله دوزه‌ ليب. عرب ديلينده بعضن بير ـ بيرينه ياخين، بعضن ده تاماميله آيري ـ آيري معنالار ايفاده ائده ن كؤكلر اولدوقجا چوخدور: تزع دوه‌نين باييرا آتديغي «چؤر ـ چؤپ»، «دوه‌ نين آغزيندان چيخان كؤپوك»‌ تصيع (دوه ‌نين كووشمه‌ سي)، يارادان [؟] خسع gavama [؟] «حئيوآن´ين كووشمه ‌سي»، «‌قوسما» و سايير. بو جور ياخين معنالار (قوسما، بير شئيين ايچه ريدن باييرا آتيلماسي و الي آخر). عرب

[غلام-غلمان-اغلمه]

قورآندا ايشله ‌نه ن «غلام» سؤزو جمعي: غلمان، اغلمه ـ (9) ايلك سسليسي دوشه ن، تورك منشألي «اوغلان» سؤزونون عربله شميش واريانتيندان باشقا بير شئي دئييلدير. (10) «اوغلان»، «‌بيغ يئري تزه‌ جه ترله ‌يه ن گنج»، «خيدمتچي» و سايير. عرب ديلينده ايلك باخيشدا «‌غلام» سؤزونون اساسي كيمي قبول ائديله بيله ن «‌عالما»‌، «‌ائحتيراصا گلمك» «شهوته قاپيلماق» فئعلينين همين سؤزله سئمانتيك باخيمدان او قده ر ده علاقه ‌سي يوخدور، «يئتيشميش قيز» معنالاريني وئره ن ـ غيلم ـ سؤزو ده ايشله ‌نمكده‌ دير.

تورك و آزربايجان [آزربايجان توركجه سي] ديللرينده همين سؤزله باغلي اولان سسليسيز واريانتلار دا مؤوجوددور، (كولو «‌بالا، دايچا، كولون، كولوم، قولون)، عرب ديلينده بونونلا علاقه‌ دار «حلام»‌ (حولام، حوللام)، «حلان»‌ (حوللان) «قوزو»، «اوولاق»‌ سؤزلري ده واردير. «غلام»‌ سؤزوندن «غيلم» دوزه‌ لدييي كيمي، «حلام» ‌سؤزوندن ده «‌حيلم» ‌(حئيوان بالاسي) سؤزو دوزه ‌لديلميشدير. عرب ديلينده‌ كي كؤك باخيميندان تورك ديللرينده‌ كي «‌اوغلان» سؤزو ايله عئيني اولان «غلن»، «گنجليك» دَلي قانليغي، تئاتوتدو‌ [؟] فئعلينده، همين سؤزون سئمانتيكاسي ايله باغي اولان «جاوانليق»، «دَلي قانليليق» مفهوملاري داها باريز شكيلده موشاهيده اولونور.

[طلاق]

«‌طلاق» (آزاد اولماق، بوشانماق، قادين) مجهول نؤوع: «دوغوش آغريسي چكمك»، تالقون، تولقون، «‌آياغي باغلي اولمايان»، «سربست، آزاد آدام»، بو ايصطيلاح چوواش ديلينده كي «تولوك» «دول قادين»، ياقوت ديلينده كي «تولاياك» (دول، كيمسه‌ سيز، تك باشينا)، «تولوك» (قورتارما) سؤزلرينه اويغون گلير. معلومدور كي، عرب ديلينه فئعلين مجهول نؤوعونون بير وظيفه ‌سي ده اونون سؤز دوزه ‌لتمه فونكسيياسيندا ايشله ‌نمه‌ سيدير. يوخاريداكي سؤزون تورك ديللرينده (آغري) ايله باغلي اولان باشقا معناسي عرب ديلينده، مجهول نؤوع واسيطه سيله ايفاده اولونور. توليغا «دوغوش آغريسي چكمك»، «تالقان» (چوواش ديلينده «آغريدان قيوريلماق»‌ «چيرپينماق»، «تولقاك» (شور ديلينده) «دوغوش آغريسي». (11)

[هايتا-هايدي]

احمد فارس شدياق قورآن´ين «يوسف» سوره ‌سينده‌ كي «هايتا»، «هايدي» «تئز گل، تئز اول» سؤزونون عرب ديللريندن منشألي اولدوغونو قئيد ائده ن شرحچي و گيراماتيكلرله راضيلاشماياراق اونو هايدي تورك سؤزو ايله باغلايير. (12)

[دلوك]

تورك تدقيقاتچيلاريندان «ناعم حاضم اونات» ايسه قورآنداكي «دلوك» «گونشين باتماسي» بعضي لوغتلرده «گونشين قالخماسي» سؤزونو يئنه تورك منشألي سايير. او عرب ديلينده ‌كي «طلوع» (گونشين دوغماسي»، «قالخماسي») سؤزلري‌نين‌ ده منشأ باخيميندان «دلوك»لا باغلي اولدوغونو قئيد ائدير. (13)

[طاغوت؟]

بيزه بئله گلير كي، قورآندا ايشله ‌نميش ‹‹طلغوت››، ‹‹شيطان›› ‹‹بت››‌ ‹‹آللاهدان باشقا هر هانسي بير معبود›› (بعضي عرب گيراماتيكلري اونو) تورك آللاهلاريندان بيري‌نين آديني بيلديره ن ‹‹تانقوت›› ( قورد تانريسي، ايلاهي قووه) سؤزو ايله علاقه ‌داردير. لاكين حال حاضرده اليميزده كيفايت قده ر ماتئريال اولماديغي اوچون هله ‌ليك بو مقاله ‌ده همين سؤزلرين منشايي اؤزرينده دايانميريق.

[يرمق]

گله‌ جك آراشديرمالار اوچون ماراق دوغوران بئله مساله‌ لردن بيري ‌ده ابن معاذ´ين ديليندن روايت ائديله ن حديث‌ده ‌كي ‹‹يرمق››، ‹‹پول›› پارا سؤزودور. (14)

[عربجه ده كي توركجه سٶزلر]

اورتا عصر عرب لئكسيكوگرافلاري و موفسسيرلري قورآندا اولدوغو كيمي، احاديثده ‌ده اجنبي سؤزلرين، او جمله‌ دن تورك سؤزلري‌نين ايشله ندييني قئيد ائتميش، لاكين اونلارين منشأيي ايله ماراقلانماميشلار. احمد فارس شدياق (اعجمي) غئير-ي عرب آدلانديريلان بو سؤزلرين عرب ديلينده ايسلامييتدن اه وول ايشله ندييني، لاكين اونلارين عرب ديلينه نه واخت هاردان نئجه گئچدييني بللي اولماديغيني گٶسته رير. (15) طبيعيدير كي، قورآندا و حديثلرده ايشله‌ ديله ن اجنبي، او جمله‌ دن تورك منشالي سؤزلر، عربلر آراسيندا ايسلامييتيدن قاباق ياييليميش، حضرت-ي محممد´ين پئيغمبرليك ائتدييي دؤورده، بلكه ده اوندان چوخ ـ چوخ اه وول عرب ديلينده اؤزونه وطنداشليق حوقوقو قازانميشدير. عربلر بو سؤزلري اؤزلري‌نين‌كي حئساب ائتميش، ديللرينين فونئتيك قانونلارينا اويغونلاشديرميشديلار و اونلاردان موختليف گيراماتيك فورمالار دوزه لتميش و همين سؤزلر حضرت-ي محممد´ين ‹‹گؤيدن تميز و آيدين عرب ديلينده يئره ائنديريلميش›› قورآن´ينا بئله داخيل اولموشدور (انا انزلناه بلسان عربي مبين)

بو قبيلدن اولان تورك سؤزلري‌نين عرب ديلينه محض (هانسي عصرده گئچدييي، عرب ديلينه) ايسلامييتدن اه وول گئچدييني آيدينلاشديرماق اوچون عربلرله توركلرين جاهيلييت (ايسلامدان اه وولكي) دؤورونده‌ كي علاقه لرينه، بير قده ر ايره‌ لي گئتسه ك، قديم سامي ـ تورك علاقه ‌لرينه نظر سالماق لازيمدير. البتته بير سيرا موتخصصيصلر طرفيندن موختليف درجه ‌ده ايشيقلانديريلميش بو مٶوضوع مٶوجود اولان تاريخي قايناقلار، آرخئولوژي قازينتيلار و ديل فاكتلاري باخيميندان اطرافلي شكيلده تدقيق اولونماييب، بوگون اؤز حلليني گٶزله ‌يه ن چوخ موهوم و ماراقلي پروبلئمردن بيري‌دير. بيز بورادا همين علاقه ‌لرين آراشديرماميز اوچون لازيم اولان يالنيز بعضيلرينه توخونماق ايسته رديك.

ميلادي 6 ـ جي عصرين سونلاريندا باش وئرميش عرب ـ ايران موحاريبه ‌لرينده تورك اوردولاري‌نين ‌دا ايشتيراك ائتدييي، انوشيروان اوردوسونون تركيبينده بير چوخ تورك عسكري‌نين دؤيوشدويو، اونلارين دئيلميلرله بيرليكده انوشيروان´ين همين سفرينده ايشتيراك ائتديكلري تاريخي قايناقلاردان معلومدور.(16)

هؤرموز´ون باش كومانداني بهرام چوبين´ين ميلادين 588 ـ جي ايلينده خوراساندا گٶي تورك خاقاني جولوباغا´يا قارشي آپارديغي موحاريبه‌ ده دؤيوشه ن اورد‌و ايچه ريسنده قحطان و موعد عربلري ده وارايدي (17)

ايسلامييتدن اه وولكي جاهيلييت دؤورو شاعيرلري‌نين اثرلرينده توركلردن بحث ائديلمه‌ سي عربلرلر توركلرين قديم علاقه ‌لره ماليك اولماسيني ثوبوت ائدير. بو دؤور شاعيرلريندن NabigatUzzibiani (اٶلوم : 604 . م) حارث ابن نعمان ـ لغساني´نين اؤلومونه حصر ائتدييي قصيده ده بئله دئيير:

تعود اله غسان يرجون اوبه
و ترك ورهط الاعجميين و كابل (18)
(غسانيلر، بير دسته تورك، بير دسته فارسي و كابيللي اوتوروب اونون حالينا آجيييرلار)

جاهيلييت دؤورونون گؤركه ملي شاعيرليريندن الاعشا (اٶلوم : 629. م)، اطرافيندا توركلر و كابيللي‌لرين بولوندوقلاري مجليسلرده شراب ايچديييني بئله خاطيرلايير:

لقد شربت الخمر ترك- في حولنا ترك و كابل
(توركلر و كابللي لر اطرافيميزدا قاچديغي واخت، من شراب ايچيرديم ).

حضرت-ي محممد پئيغمبرين عميسي ابوطالب´ين (اؤلوم : 619. م) قصيده ‌سيندن وئريله ن آشاغيداكي بئيت جاهيلييت دؤورونده عربلرله توركلرين حياتين موختليف ساحه ‌لرينده علاقه ‌لري اولدوغونا گٶزه ل ثوبوتدور:

يطاع بنا العدي وود والوتسا تسدبنا ابواب ترك و كابل (20)
(دوشمنلريميز مككه ‌ني بوراخماميزي، تورك، كابيل قاپيلاري‌نين ‌دا اوزوموزه باغلانماسيني ايسته رديلر).

[خزر-احزر-خزور]

جاهيلييت دٶورونه عاييد آدلاردان بعضي‌لري‌نين تورك قبيله و شخص آدلاري اولدوغو معلومدور. لاكين اونلارين عربلرين لئكسيكوگونا نه واخت داخيل اولدوقلاري معلوم دئييلدير. بئله آدلاردان بيري ده ‹‹خزر›› سٶزودور. عرب لوغتلرينده دوزگون اولاراق خزرلرين تورك طايفالاريندان بيري اولدوغو گٶسته ريلير.

ابن منظور اَن قديم عرب لوغتي كتاب العين اثرينه استناداً‌ يازير: ( 21 )
الخزر جيل من الناس خزر العيون
( ‹‹خزرلر گٶزلري كيچيك و قيپيق اولان بير جماعتدير››‌ )

يئري گلميشكن قئيد ائده ك‌ كي، ‹‹احزر العين›› ( كيچيك و قيپيق‌ گٶزلولر)‌ ايفاده‌ سي حضرت-ي محممد پئيغمبر´ين Huzeyfa دن روايت اولونان بير حدثيينده ‌ده ايشله‌ ديلميشدير. (22 ) بو سٶزون قديم تورك طايفاسي خزرلرين آدي اولدوغو بلليدير. كيچك و قيپيق گٶزلو خزرلري گؤره‌ ن عربلر بو ظاهيري علامتلرينه گٶره همين طايفانين آديندان ‹‹احزر العين›› ‹‹كيچيك و قيپيق گٶزلو›› مورككب صيفتيني دوزه ‌لتميشلر. عربلرين همين آددان دوزه ‌لتديكلري ‹‹‌خزر›› كٶكونده خزرلرين: (آدام)، (خزور) ‹‹گوجلو، قووتلي، دلي قانلي››. ماراقليدير كي، ابن منظور (خزر) كؤكونون ‹‹قاچماق››‌ معناسيني بيلديرديييني ده قئيد ائدير.

عرب ديلينده (حزع) (تحزع) فئعلي ‹‹گزيب دولاشماق››، ‹‹گئريده قالماق›› ‹‹قبيله‌ سيندن آيريلماق›› معنالاريندا ايشله ‌نير. ابن منظور همين كٶكدن يارانميش (خزاعة) آدلي عرب قبيله ‌سي‌نين آدينين محض بو جور يارانماسي‌ باره‌ ده بيرييرينه اويوشمايان موختليف روايتلره ايستيناد ائدير. ابن منظور عئيني سؤزلري ‹‹قضع›› (تقضع)، ‹‹‌داغيلماق››‌، ‹‹قبيله ‌سيندن آيريلماق، اوزاقلاشماق›› كٶكوندن دوزه ‌لديليشي قبيله‌ سي حاققيندا دا سٶيله‌ يير. سيوطي ‹‹قضاعة›› قبيله‌ سي‌نين عرب ادبي ديلينده‌ كي ‹‹ي››‌ سسيني ‹‹ج›› كيمي دئديييني گٶسته رير. آناتولو توركجه ‌سينده كي ‹‹ي›› سسي قازاق و قيرقيز ديللرينده ده ‹‹ج›› ‌كيمي اكثر حاللاردا سٶزون اه وولينده، بعضن اورتاسيندا، يعضن ده سونوندا تلففوظ اولونور: بونلاري نظره آلان بعضي موتخصصيصلر همين قبيله‌ لرين سامي‌له شميش تورك قبيله ‌لري اولدوغو ايدديعاسيني ايره ‌لي سورورلر. (‌24 )

بئله بير فيكير مٶوجوددور كي، باشقا خالقلاردا اولدوغو كيمي بير چوخ تورك قبيله ‌لري‌نين ‌ده آدي اونلارين گئچيردييي حيات طرزي ايله علاقه ‌داردير، موقاييسه اوچون: قاجار (قاج، كوكو)، كازاك (كاز، قاچماق، قورتولماق، يانيلماق) توركمن ديلينده ‹‹‌كئزئك›› (كزه ن، دولاشان، كؤچه ري) دئمكدير (كئز كٶكو). همين فورمانين قالينلاشماسي نتيجه ‌سينده ‹‹كاز›› كؤكو مئيدانا گلميشدير. ‹‹كازار›› (حزر) طايفاسي‌نين آدي دا ‹‹كاز›› كؤكوندن يارانمشيدير. (25). بئله ‌ليكله يوخاريداكي تورك طايفا و خالقلاري‌نين آدلاري‌نين ايلك باخشيدا كؤچه ري‌ليك مفهومو ايله علاقه ‌دار اولماسي گؤز قاباغيندادير. مشهور چئخ عاليمي ف. قروزني (كازاك، قيرغيز، كزاخيستان) آدلاري‌نين لاپ قديملردن خزر دنيزي اطرافيندا مسكون اولان كاسلارين آدي ايله باغلي اولدوغونو گوسته رير. او، ‹‹كاز›› كؤكوندن يارانميش ‹‹كزه ‌ن››، ‹‹دربه در››، ‹‹دولاشان››، معنالاريني وئره‌ ن، لاكين تورك ديللرينده عومومي ائيتمولوژيياسي بللي اولمايان بو سٶزون اصلينده قبيله ‌نين حيات طرزي ايله دئييل، ائتنيك بير منشاله علاقه‌ دار اولدوغونو قئيد ائدير. (26) بيز ف، قروزني´‌نين يوخاريداكي فيكريله راضيلاشاراق يالنيز اونو علاوه ائتمك ايسته‌ ييريك كي، ايلك باخيشدا ‹‹كزمك››، ‹‹دولاشماق›› مفهومونو بيلديره ن همين سٶز منشا ائعتيباريله تورك توتئملريندن بيري‌نين آديله باغليدير.

[دئيلم]

اورتا عصر عرب منبعلرينده عرب قبيله‌ لري‌نين بعضي‌لري‌نين تورك منشالي اولدوغو دا قئيد ائديلير. ابن منظور مشهور ميصر گيراماتيكي كوزا النمله ايستينادن عرب قبيله ‌سي حئساب ائديله ن دئيلميين توركلر اولدوغونو بيلديرير. شمس الدين سامي دا دئيلمين قديمدن بري توركلرله مسكون اولدوغونو يازير. ( 27 )

گوروندويو كيمي، عربلرله توركلر آراسينداكي علاقه ‌لرين تاريخي چوخ قديمدير. بو علاقه‌ لر سامي ـ تورك فونوندا گٶتورولسه، اونلارين داها قديملره گئديب چيخماسي بللي اولار.

[شومئرلر]

تاريخي قايناقلاردان بللي‌دير كي، سام طايفالاري اؤن آسيايا گلمه دن چوخ اه وول همين رئگيون شومئرلر و اورتا آسيادان گله ن قبيله و طايفالارلا مسكون ايدي. زاگروس داغلاريندان آناتولو´نون ايچه ريلرينه، ليوان، فيلسطين دولايلارينا قده ر ياييلميش اؤن شومئرلردن (پروتو شومئرلر) سونرا بورايا شومئرلر گلميش، آشاغي مئسوپوتامييادا مسكن سالميشديلار. ساميلر هله عربيستان ياريم آداسيندا ياشاديقلاردي زامان (ميلاددان 4 مين ايل اول) اون آسيا اورتا آسيادان گلميش موختليف آدلي مدني خالقلارلا دولو ايدي. (28) تيپولوژي باخيمدان ايلتيصاقي (Aqqliutinativ) ديللره منسوب اولان شومئر ديليله اورال ـ آلتاي ديل قوروپو آراسيندا باغليليق، خوصوصيله لئكسيك ياخينليق اولدوغو بير چوخ موتخصصيصلر طرفيندن آرتيق ائعتيراف ائديلميشدير. (29) ائراميزدان اه وول اوچ مين ايليين اه ووللرينده سامي ـ اكاد قبيله ‌لري مسئوپوتوميا گلميش، اوچ مين ايليين اورتالاريندا شومئرلري مئسوپوتوميانين جنوبونا سيخيشديرميشلار. مئسوپوتوميانين اهاليسي اوچ مين ايليين اورتالاريندا شومئرلر و آكادلارين قاريشغيندان عيبارت اولموشدور. شومئلر ائراميزدان اه وول ايكينجي مين ايلليين آخيرلاريندا بابيللي‌لرين آسيميلاسيياسينا اوغرامشلاردير. اونلارين مدنييتلري‌نين ايزلري سورييه ‌ده، فيلسطينده، حتتا هيند چايي‌نين وادي‌لرينده بئله قالميشدير. (30) سام طايفالاري شومئرلري مغلوب ائديب مئسوپوتوميادا اٶز حاكيمييتلرييني برقرار ائتديكدن سونرا ايقتيصادي و مدني باخيميدان چوخ اينيكشاف ائتميش شومئرلرين بٶيوك تاثرينه معروض قالميشلار.

بو ثاثير اٶزونو ايجتيماعي ـ ايقتيصادي حياتين بوتون ساحه ‌لرينده، خوصوصيله مدنييت ساحه‌ سينده بوروزه وئريردي. ساميلر مئسوپوتامييادا و سورييه‌ ده مسكون اولدوقلاري زامان شومئرلرين و بورادا ياشايان ديگر خالقلارين مدنييتيني اخذ ائتميش، لاكين ساييجا اوستونلوك تشكيل ائتديكلريندن و ايقتيصادي ـ سيياسي حاكيمييت الرينده اولدوقلاريندان همين خالقلاري تدريجله سامي‌له شديرميشلر. ديگر طرفدن شومئرلرين و اورتا آسيادان گلميش بو خالقلارين بير قيسمي مئسوپوتوميياني ترك ائده‌ ركن عربستان´ين ايچه ريلرينه دوغرو حركت ائتميش، اورادا اٶزلرينه يورد سالميش، زامان گئچديكجه قووتلي آسيميلاسييا نتيجه ‌سينده ساميله شميشلر. بو خالقلارين ديللري سامي ديللرينه لئكسيك ـ گيراماتيك باخيمدان تاثير گٶسته رميش ( آكادا ديلينده شومئر ديلي‌نين تاثيري نتيجه‌ سينده باشقا سامي ديللريله موقاييسه ‌ده فئعلي جومله‌ ده خبرين يئرينين داها سربست اولماسي و سايير)، اونلاردان سامي ديللرينه بير چوخ سٶزلر گئچميشدير. طبيعيدير كي، بو اجنبي سٶزلر عئيني زاماندا غئير-ي موستقيم شكليده، يعني بير سامي ديليندن باشقاسينا دا گئچه بيلير ـ عصرلر گئچديكجه ساميله شميش بو سٶزلرين عرب و باشقا سامي ديللرينه گئچمه‌ سي محض همين واختلاردا باش وئرميشدير.

تصادوفي دئييلدير كي موتخصصيصلر شومالي عرب ديلي‌نين بيزه گليب چاتميش اَن قديم يازيلارينداLihyan (I-I ميلادي عصرلر)، Fafa (106.م)،Annemare (328.م)،Zebel (512.م) وHarram (568.م) كيتابلاريندا بئله اجنبي تاثيرين موشاهيده اولوندوغونو قئيد ائديرلر. (31)

محض بونا گٶره ‌ده ايسلامييتدن اه وول، هابئله قورآندا ايشله ‌نه ن تورك سوزلري‌نين عرب و باشقا سامي ديللري طرفيندن اخذ ائديلمه ‌سي تاريخيني چوخ قديملره يعني سامي ـ شومئر، داها سونرالار ايسه عرب ـ تورك تماسسي و علاقه‌ لري دؤورونه عاييد ائتمك لازيمدير.

‹‹ايضـا حلار و ادبييات››

1ـ الجواليقي ، المعرب من اكللام الاعجمي ، ليبزيك ، 1867 ، السيوطي ، المزهر، ج ، 2 ، القاهره 1325 ، السيوطي ، الاتقان ، ج 10
2 ـ شهاب الدين احمد الخفاجي ، كتاب شفاء الغيل فيما في كلام العرب من الدخيل القاهره
3 ـ الجواليقي ، المعرب من الكلام الاعجمي ، ص 107
4 ـ السيوطي ، الاتقان ،ج ( ) ، ص 107 ،شهاب الدين احمد الخفاجي ، كتاب شفاء‌ الغيل ، ص 161 .
5 ـ فخرالدين الرازي ، التفسير الكبير ، شرح سوره النباء‌.
6 ـ ابن الاثير ، النهاية ، القاهره ج ( ) ، ص 326 .
7 ـ ابن منظور ، لسان العرب ، القاهره ، ماده غسل .
8 ـ محمود كاشغري . ديوان اللغات الترك . استامبول ، 1333 ، ج 10 ص 314
9 ـ ائحتيمال كي غسا ( ايـ ) فئعلينين بيرينجي اوچ معناسي عرب ديلي‌نين اٶزونه مخصوص ‹‹غ س ق›› كؤكو ايله علاقه ‌داردير. سونونجو ايكي معنا ايسه تورك منشألي كؤكدن دوزه ‌لميش فئعلله باغليدير.
10 ـ لرده‌دير سٶزون اه وولينده سسلينين دوشمه سي عرب ديلينده تئز- تئز باش وئره ن فونئيتك حاديثه لردندير
11 ـ بو كيچيك مقاله ‌ده عرب ديلينده سس عوضله نمه ‌لريندن و آلينما سٶزلرين عرب ديليلنده نه جور فونئتيك ده ييشيك‌ليكلر، اوغراديغيندان دانشيماق ايمكان خاريجينده دير. ‹‹يالنيز اونو نظره چاتديرماق ايسته ‌ييريك‌ كي، تورك ديليندن گئچه ن سٶزلرين اه وولينده كي ‹‹ت›› سسسيزي عرب ديليينده چوخ واخت ائمفاتيك ‹‹ب›› ايله عوض اولونور. عرب ادبي ديلينده‌ كي همين ائمفاتيك سس‌سيز ايسه مالتادا و شرقي تونوس لهجه لرينده عادي ‹‹ت›› كيمي تلففوظ اولونور . باخ : Vaim HqimOnat Arapcaninturk Dilibekurulusu Istanbul.1944. S.189
12 ـ حمد فارس شدياق ، الجاسوس علي القاموس، القاهره: ص 213
13 ـ Naim Haqim Onat گٶسته ريله ن اثري . ص 181.
14 ـ ابن منظور ، لسان العرب ، ج .12 ، ص 217
15 ـ الشعالبي ، الغزر ، القاهره ، ص 167.
16 ـ السعودي ، مروج الذهب ، ص 236
17 ـ شعراء النصرفة ، بيروت ، ج 20 ، ص 703.
18 ـ شعراء النصرنية ، ج 30 ، ص 386
19 ـ طلبة الطالب ، استانبول ، 1327 ، ص 5.
20 ـ N.H.Ont گٶسته ريله ن اثري ، ص 20
21 ـN.H.Ont گٶسته ريله ن اثري ، ص 20 ( بو ـ البتته ـ موختليف سيستئملي ديللرده‌ كي سس اويقونلوقلاري‌نين ماهييتينه وارمادان ائخئماتيك نتيجه ‌يه گلمكدير .(ي ـ ج ) تورك ديللري نين اٶزونه مخصوص قديم حاديثه دير)
22 ـA. Hont oglalo. Maggars ag Kilakulasa. Budopeste/1930
23 ـ .Hroaohy . Die Aelteste Geschichtevoz dezasiens. Ruy 1940
24 ـ شمس الدين سامي ، قاموس الاعلام ،ج 53 استانبول ، 1891 ص 2215
25 ـ Kiny . Ahistory of Sumer aned Akkad . P.341
26 ـ H. do Borentonton Liargineclonguss . Pris > 193236
27 ـ
28 ـ N.H.Onat گٶسته ريله ن اثري ، ص 29


كٶچوره ن: محمد قضائي 30/2/1382