توركجه يه يئني كلمه قازانديرما يوللاري


مئهران باهارلي

نوت: بو يازي دا "دئگيDegi "، سٶيله نه ن هر هانسي بير سٶز و سٶزجوك، "گفته، سخن" آنلاميندا؛ "سٶزSöz "، گٶركول (ادبي) و يازيلي ديلده منيمسه نميش "كلمه" و "واژه" آنلاميندا؛ "سٶزجوكSözcük " ايسه گٶركول (ادبي) و يازيلي ديل دوزئيينده ايشله ديلمه يه ن، آغيزلار و سٶزه ل ديلله سينيرلي اولان، يا دا يابانجي كلمه لر اوچون ايشله ديليبدير. بير "سٶزجوك"، يالنيز گٶركول (ادبي) ديله قازانديريلديقدان سونرا، "سٶز" سوييه سينه يوكسه له بيلير. (-جيك اكي، كيچيكليك، آشاغيليق آنلاملاريني داشييير).

سون مين ايل و اٶزه لليكله سون يوز ايل ايچينده ديليميز فارسجانين آغير و تك يٶنلو ائتگيسي آلتينا گيرميشدير. بونا اك اولاراق گونوموزده ايراندا ديليميز توغرالي (رسمي) بير ديل دئييلدير و اركله ت (دٶولت) قوروملاري، باسين ايله يايين و اٶيره تيم-ائييتيمده ده ايشله ديلمير. سونوج اولاراق ديليميز فارسجا كلمه لرينين دئنه تيمسيز (كونترولسوز) و چوخ يٶنلو (هر طرفلي) سالديريسينا (هوجومونا) اوغراياراق پوزولما، پيجينله شمه و يوخ اولماغا اوز توتموشدور. بيز آغير بير بيچيمده فارسلاشميش بير خالقيق و ديليميز ده، اٶلوم دٶشه يينه دوشوب و بيتگيسه ل ياشاما گيرميش بير ديلدير.

ايران و گونئي آزربايجاندا سون يوز ايلده توركجه نين بيليم، توپلوم، اوزلوق، يٶنه تگي، قوراشديريم و ... كيمي آلانلاردا يئني سٶزجوك تٶره تمه سوره جي بوتونويله دوراقساماغا اوغراييب دورموشدور. خالقيميز ياخين گئچميشده ايشله تدييي توركجه كلمه لرين يوزده دوخسانيني بوگون اٶز ديلينده ايشله تمير و اونلارين يئرينه فارسجا آلينتيلاري قوللانير. بو دورومدا ان باشدا ديليميزي ياشاتماق اوچون، بير ياندان فارسجا كلمه لرين توركجه يه آخيني دوردورولمالي، داها اٶنجه گيره نلر مومكون اولدوغو اٶلچوده آريتلاناراق ديليميزدن آتيلمالي و يئرلرينه اويقون توركجه قارشيليقلار بولونماليدير، اٶته ياندان يئني قاوراملاري قارشيلاياجاق سٶز و كلمه تٶره تمه سوره جيني يئنيدن باشلامالييق.

توركجه ده يئني وارليق و قاوراملاري قارشيلاماق اوچون، بير نئچه يول واردير. گره كسينيم (ائحتيياج) اورتايا چيخديغيندا- ايران و گونئي آزربايجاندا اورتايا چيخديغي كيمي- بو يوللارا باش وورولماليدير:

١- بايري (آرخاييك) دئگيلري "ديرچه لتمه"
٢- ياشايان ديل-آغيزلاردان "سٶزجوك درله مه"
٣- يئني دئگي (نئولوژيسم) "تٶره تمه"
٤- يابانجي ديللردن "آلينتي ياپما"

يابانجي سٶزجوكلره قارشيليق ايلك اٶنجه "ديرچه لتمه" و "درله مه" يوللاري ايله ديليميزين قايناق و چيخاقلاريندا وار اولان اويقون توركجه دئگيلر آرانماليدير. بولوندوقلاري دورومدا بو توركچه دئگيلر، گٶركول و يازين ديليميزه يئنيدن قازانديريلماليدير.

"ديرچه لتمه" و "درله مه" يوللاري قولاي بير يول دئييلدير. هر ايكي قايناقدان دا يارارلانماق آنجاق قيسيتلي (محدود) بير اٶلچوده اولاناقليدير. بورادا باشاريلي اولمانين ان بليرله ييجي ائتمه ني، ديلده بو يئني دئگيلره گره كسينيمين وار اولماسيدير. اٶرنه يين ديل دئوريمي ايله توركييه توركجه سينه باشاريلي بير بيچيمده هر ايكي قايناقدان دا چوخلو دئگي قازانديريلميشدير. بو اٶلكه ده "ديرچه لتمه" و "درله مه" يٶنته ملريندن، ديلي يالينلاشديرما (ساده له شديرمه) چاليشمالاري سيراسينداكي وار اولان گره كسينيمدن دولايي باشاريلي سونوج آلينماسي مومكون اولموشدور.

ديلده يئني دئگي الده ائتمك اوچون، "ديرچه لتمه" و "درله مه"نين ديشيندا، باش وورولابيله جك ايكي قايناق داها واردير: "يئنيدئگي (نئولوژيسم) تٶره تمه" و يابانجي ديللردن دوغرودان "سٶزجوك آلينتيسي" ياپما. ديرچه لتمه و درله مدن يارارلاناراق الده كي قايناق و چيخاقلاردا يابانجي سٶزجويو قارشيلايابيله جك اويقون دئگي بولونمازسا، يئني دئگي ياپما يٶنته مينه باش وورولماليدير. يئني دئگيلر (نئولوژيسملر) تورك ديلي قورال و ايلكه لرينه داياناراق، توركجه كٶك و اكلر آراجيليغي ايله ياپيلميش، داها اٶنجه ديليميزده وار اولمايان يئنيجه تٶره ديلميش توركجه سٶزلردير.

اٶنه ريله ن يئني كلمه لر، اٶزه لليكله اونودولموش اولان و يئني تٶره ديله نلر، ايسته ر ايسته مه ز، ايلك باشدا خالقا آز تانيش حتتا ياد اولابيله رلر. بو دوغالدير. آنجاق خالق، توركجه يازي و يايينلاردا ديرچه لديله ن، درله نه ن و يئني تٶره ديله ن توركجه كلمه لري داها سيخ گٶرونجه، و اونلاري گٶركلو (ائستئتيك) و قوللانيش باخيملاريندان دا الوئريشلي بولونجا، زامانلا اونلارا - ايلك باشدا قولاغا بير آز يابانجي گلسه لر ده - صاحيب چيخار و منيمسه لر. بو باغلامدا "بيز خالق اوچون يازيريق، خالقا تانيش اولمايان كلمه لري ايشله تمكدن چيكنمه لييك" دوشونجه سي يانليشدير. اوچرا بيز تكجه خالق اوچون دئييل، اونونلا بيرليكده ديليميزي و اوندا وار اولان هر كلمه ني ياشاتماق، اونو گله جك قوشاقلارا ساغلام تسليم ائتمك، گليشديرمك و بايلاشديرماق اوچون ده يازيريق. "خالقين ديليندن اوزاقلاشمامالييق" دوشونجه سي ده، ان آزري گونئي آزربايجان اوچون گئچه رلي دئييلدير. اوچرا سٶزو ائديله ن بوگونكو "خالقين ديلي"، ايران دٶولتي الي ايله ياراديلماقدا اولان، فارسجانين پيجين ديلي آزري ديليدير نه توركجه. بيز فارسلاشان بو سايري و پيجين ديله باغلي اولماق دئييل، اونو دوزه لتمك، ساغالتماق و توركجه له شديرمك دورومونداييق.

يوخاريداكي اوچ يٶنته مله يابانجي بير قاورامي قاريشلاياجاق دئگي بولونماز ايسه، يا دا بئله بير دئگينين بولونماسينا ده ك، بير سونراكي آشاما اولان "يابانجي ديلدن دوغرودان آلينتي ياپما"يا گئچيلمه ليدير.

ايلك سيراداكي قايناق-چيخاق

بايري (آرخاييك) دئگيلري ديرچه لتمك: بايري دئگيلر توركجه ده اسكيدن بري وار اولان، اسكي دٶنه ملرده، اسكي يازي ديلي دئوره لرينده ايشله ك اولان؛ آنجاق داها سونرالار دورلو ندنلرله اونودولموش، بايري دامقاسي يئميش، و بوگونكو يازين و اٶلچوت ديليميزده ايشله ديلمه يه ن سٶزجوكلردير. اونودولموش بايري سٶزلري يئنيدن ديله قايتارماق، بوتون بير اولوسا يئنيدن كلمه اٶيره تمك دئمكدير. بو ندنله ده اونلارين ديرچه لديلمه سي چوخ چتين و گوج اولوب، سون درجه بٶيوك بير چابا و اوغراشي ايسته ر.

بايري دئگيلرين قايناق و چيخاقلاري؛ اسكي سٶزلوكلر، گٶركول (ادبي) بتيكلر (متينلر)، كٶكله شيك (كيلاسيك) پيتيكلر (كيتابلار)، چئشيتلي يازيلي بلگه لر، داش يازيتلاري، سين داشلاري، و توركجه دن اسكي چاغلاردا باشقا ديللره گئچميش توركجه سٶزلردير.

ديليميزده كي يابانجي سٶزجوكلري قارشيلايابيله جك اونودولموش بايري دئگيلرين هاميسي - اونلاري يازي و يايينلاردا ايشله ده ره ك، سٶزلوكلره آلاراق - چاغداش يازي، اٶلچوت (معيار) و گٶركول (ادبي) ديليميزه يئنيدن قازانديريلماليدير. بونلارين زامان ايچينده سٶزه ل و دانيشيق ديلده يايقينلاشديريلماسينا دا چابا گٶسته ريلمه ليدير.

بير سيرا شخصلر "متروك توركجه سٶزجوكلرين ايشله ديلمه مه سي گره كير" دئييرلر. اويسا آزربايجان توركجه سي حاققيندا دانيشيلاندا، متروك و آرخائيك قاوراملاري يئته رسيزدير و يانيلقييا يول آچير. آزربايجان توركجه سينده ياخين گئچميشده ايشله ك اولوب گونوموزده اونودولموش مينلرجه توركجه سٶز واردير. آنجاق بو كلمه لرين يوزده دوخساني، تاريخين دوغال سئيرينده اونودولان آرخاييك كلمه لر دئييل، اولوسال حاقلاريميزدان يوخسون اولماغيميز و آسييميلاسييون سونوجوندا بيزه اونوتدورولان كلمه لردير. بو ندنله ده اونوتدورولان و يانليشليقلا آرخاييك دامقاسي يييه ن بو مينلرجه توركجه سٶز، ديره نگسيز (بدون درنگ) يازيلي و دانيشيق ديليميزه يئنيدن قايتاريلماليديرلار. بو، خالقيميزين آسيميلاسييونونو دوردوماق و دانيشديغي گونده ليك ديلينه توركجه بير هاوا وئرمك اوچون ده گره كليدير (واجيبدير).

حسن اوغلو و موولانا´نين توركجه قوشوقلاريندان ديرچه لتمه لر: آسلانAslan (شير)، آسAs (منفعت)، آقچاAqça (پول)، آلپAlp (دلاور)، ائريشمكErişmək (واصل شدن)، اوسUs (عقل)، اويماقUymaq (متابعت كردن)، بايBay (ثروتمند)، بولماقBulmaq (پيدا كردن)، داموDamu (جهنم)، چئورهÇevrə (محيط)، چاخيرÇaxır (شراب)، دويماقDuymaq (حس كردن)، سانماقSanmaq (گمان كردن)، قاييQayı (محكم)، قولQul (بنده)، قيلاووزQılavuz (راهنما)، نسنهNəsnə (شئي)، يارقيYarqı (دادگاه)، يارليقاماقYarlıqamaq (رحمت كردن)، ايرماقIrmaq (رودخانه بزرگ)، توتوشماقTutuşmaq (شعله ور شدن)، بليرمكBəlirmək (آشكار شدن)، ايشدهİşdə (اينك)، دورلوDürlü (متنوع)، ...

ديوان لغات تورك و قوتادقوبيليگ´دن ديرچه لتمه لر: اسه نله مكƏsənləmək (سلام دادن)، اورونچOrunç (رشوه)، توتقوچTutquç (صبحانه)، بئلينBelin (خطر)، كٶنمكKönmək (اعتراف كردن)، اٶرتكونÖrtkün (خرمن)، تٶروتمكTörütmək (اصلاح كردن)، بوشوقBoşuq (اجازه)، بلگيBəlgi (علامت، نشان)، آنيقAnıq (حاضر)، قاييرQayır (ماسه)، قولداشQoldaş (همدست)، تييينTiyin (سنجاب)، تييماقTıymaq (مانع شدن)، يوموشYumuş (خدمت)، ايراماقIramaq (دور شدن)، ييپارYıpar (عطر)،

ايكينجي سيراداكي قايناق-چيخاقلار

١- چاغداش دئگيلري درله مك: بونلار بوگونكو يازيلي و اٶلچوت ديليميزده ايشله ديلمه يه ن، آنجاق گونوموزده گونئي آزربايجان و ايراندا تورك بودونونون (خالقينين) سٶزه ل (شفاهي) –بودون (خالق) ديلي، ياشايان يئره ل (محلي) - بٶلگه سه ل (منطقه اي) آغيزلاري و ائل-اوبالاري آراسيندا ايشله ك اولان سٶزجوكلردير:

الف- سٶزه ل، دانيشيق، بودون ديلي: بو توپار (زومره)، گٶركول (ادبي)- يازين ديلينده اولماييب؛ آنجاق سٶزه ل، دانيشيق و بودون (خالق) ديلينده ايشله نه ن سٶزجوكلردير. (بونلارين بير بٶلومو، اسكي يازين ديلينده ده قوللانيلميشدير):

سٶزه ل ديلدن درله مه لر: "قاپدي قاچديQapdıqaçdı " (ميني بوس)، "يئل آتيYelatı " (دوچرخه)، "آت-آچAtaç " (ژتون)، بيچه ر دٶيه رBiçərdöyər (كمباين)، سئچ آلSeçal (سلف سرويس)، آياق توپوAyaqtopu (فوتبال)، ديش اتيDişəti (لثه)، چوخ ساتارÇoxsatar (بئست سئللئر)، يولدوزه رYoldüzər (بولدوزر)، دٶنه ر قاناد Dönərqanat (هليكوپتر)، آياق آلتيAyaqaltı (توالت)، يئرياغيYeryağı (نفت)، دورباخDurbax (پانل)، يئگئت Yeget (فست فود)....

ب- يئره ل-بٶلگه سه ل آغيزلار: اكينج (فرهنگ) ديلينده بولونمايان، آنجاق ديليميزين باشليجا آغيزلاري اولان همدان، مركزي، قزوين، قوم، تئهران كيمي گونئي آزربايجان اوستانلاري؛ گونئي ايران، خوراسان، سونقور، عراق .... لهجه لرينده وار اولان بير سيرا سٶزجوكلر يازي ديلينه آلينابيله ر. يئره ل- بٶلگه سه ل آغيزلاريميزدا وار اولان توركجه سٶزجوكلرين، گٶركول (ادبي) و يازي ديليميزه آرتيريلماسي، ديليميزي بايلاشديرار؛ چئشيتلي يئره ل-بٶلگه سه ل آغيزلارين- اورتاق و بوتون آغيزلاري قاپسايان ادبي ديله سٶز وئرديكلريندن دولايي- بيربيريني آنلاشمالاريني قولايلاشديرار و بو آغيزلارلا اونلاري قونوشان توپارلارين بيربيريندن آيريشماسينين قاباغيني آلار:

گونئي آزربايجان آغيزلاريندان درله مه لر: ياويماقYavımaq (انس گرفتن، بوئين زهرا)، دولاقDolaq (جوراب، اورمو)، سونسوقSonsuq (بكس، ملايير)، توتارقاTutarqa (تناسب، همخواني، عجبشئر)، توتقاجTutqac (دستگيره- زنگان)، قانليQanlı (عرابه- )، اوچورOçur (نوبت- اردبيل)، انه شوشƏnəşüş (عجيب غريب، تبريز)، ايوİv (فرق موي سر، خوي)، قوجورQucur (شور، خوي)، ده يگيلDəygil (مستجاب، گونئي)، بٶروBörü (گرگ، خلجستان)، يابغي Yabğı(حكمدار، خلجستان)، چيوÇiv (ميخ، زنگان)، سالديرماقSaldırmaq (حمله كردن، زنگان)، سوروتمه چSürütməç (دمپائي، زنگان)، قاراناقQaranaq (شوم، زنگان)، جوروCürü (ضعيف، ماراغا)، پونجوكPüncük (بهانه، زنگان)، تامبيراTambıra (منت، زنگان)، چيرتداقÇırtdaq (تخم، زنگان)، دٶنه رگهDönərgə (چرخ فلك، زنگان)، سوسگهSüsgə (زينت موي سر دختران، زنگان)، هٶدوكHödük (غيبت، زنگان)، هٶدوكله مكHödükləmək (غيبت كردن، زنگان)، يئتيكYetik (فضول، زنگان)، دبه كDəbək (ابله، زنگان)، اوتاچيOtaçı (دواساز، ماراغا)، بارينماقBarınmaq (سر پناه گرفتن، ماراغا)، مانMan (عيب، ماراغا)،.....

گونئي آزربايجان ديشي آغيزلاردان درله مه لر: اوركونÜrkün (نبش خيابان، نوشهر)، بنيزBəniz ، آغجاAğca ، آستAst ، آغيزقا Ağızqa(پنجره، خراسان)، سئوينجيك Sevincək (مژده، خراسان)، ائلتي Elti(زن برادر شوهر، خراسان)، قوزولاماقQuzulamaq ، اوغلاقOğlaq ، بوغون Boğun (مفصل، خراسان)، آچيلان Açılan (آينده نزديك، فريدن)، آري- واري Arı Varı(همه، فريدن)، يير Yir (آواز، قاشقاي يورد)، سانيSanı (عدد، دانه، خراسان)، ديش اتيDişəti (لثه، خراسان)، سورچه كSürçək (داستان، خراسان)، آپشيApşı (عطسه، بجنورد)، آرابيرArabir (گاهگاهي، بجنورد) ائرتهErtə (صبح، بجنورد)، آستAst (زير، پائين، بجنورد)...

ج- اويماق و بويلارين ديلي: گونئي آزربايجان و ايراندا ياشايان تورك اويماق و بويلارينين ديلينده وار اولان توركجه سٶزجوكلر، اٶزه لليكله اٶنه مليدير. بٶيوك اورلارين (شهه رلرين) ترسينه بونلارين ديلينده كي اسكي و اٶزگون توركجه سٶزلرين چوخو- فارسجادان داها آز ائتگيله نديكلري اوچون- هله ده اونودولمادان و ديرگيلي (جانلي) اولاراق ياشاماقداديرلار. دولاييسي ايله بونلارين ديلينده وار اولان بوتون توركجه سٶزجوكلر، تركجه و يئيينليكله گٶركول (ادبي) و يازي ديله آرتيريلاراق ديليميزه يئنيدن قازانديريلماليدير:

٢- قونشو-قودا ديل و لهجه لري: بونلار آزربايجان توركجه سي ايله قودا (قوهوم) اولان لهجه و ديللرده كي سٶزجوكلردير و اٶنجه ليك-اٶنه م سيراسي ايله قونشولار، اوغوز ديللري و ان سون دا اٶته كي توركول (توركي) ديللردن اولوشماقدادير. آلينان بو سٶزجوكلر، بو ديل-لهجه لرين اسكي بتيكلري (متينلري)، ياشايان لهجه-آغيزلاري و يا يئنيجه تٶره تديكلري (نئولوژيسم) دئگيلردن اولابيله ر. كلمه آلماق اوچون هر بير توپارين (قوروپون) بير سونراكينا گٶره اٶنجه لييي واردير:

الف- قونشولار: توركييه و داها آز اولاراق آزربايجان بودونجوندا (جومهورييتينده) بودون (خالق) ديلينده وار اولان و يا يئنيجه تٶره ديله ن توركجه سٶزجوكلر، ايلك باش وورولاجاق قايناقدير. توركييه توركجه سينده ايشله ديله ن كٶك كلمه و اكلره يابانجي بير ديلين كٶك كلمه لري و اكلري دييه باخماق يانليشدير. بورادا توركييه ده ايشله ديله ن ديلين، بيزيم ديلميز اولدوغو وورقولانماليدير.

درله مه لر: اهميت (اٶنه مÖnəm )، پايتخت (باشكندBaşkənd )، وضعيت، حال (دورومDurum )، رئيس (باشخانBaşxan )، پيشنهاد (اٶنه ريÖnəri )، اعلاميه، بيانيه (بيلديريBildiri )، عرصه، حيطه (آلانAlan )، روند، سير (سوره جSürəc )، معلومات (بيلگيBilgi )، ويژه، خاص (اٶزه لÖzəl )، نتيجه (سونوجSonuc )، اساس (تملTəməl )، موضوع (قونوQonu )، هواپيما (اوچاقUçaq )، طبيعت (دوغاDoğa )، علم (بيليمBilim )، حيات، زندگي (ياشامYaşam )، تصوير (گٶرونتوGörüntü )، مساله، مشكل (سورونSorun )، سوال (سوروSoru )، جنگ، محاربه (ساواشSavaş )، زنداني (توتساقTutsaq )، بازداشت (توتوقلاماTutuqlama )، دستگير كردن (ياخالاماYaxalama )، شمال (قوزئيQuzey )، جنوب (گونئيGüney )، قانون (ياساYasa )، وزير (باخانBaxan )، ضروري لازم (گره كليGərəkli )، موسسه، نهاد (قورومQurum )، سبب، علت (ندنNədən )، شرط (قوشولQoşul )، دانشجو، دانش آموز (اٶيره نجيÖyrənci )، معلم، آموزگار (اٶيره تمنÖyrətmən )، مسئول (سوروملوSorumlu )، رابطه پيوند (ايليشگيİlişki )، مربوط (ايلگيليİlgili )، ملت (اولوسUlus )، سلامت، صحت (ساغليقSağlıq )، منطقه (بٶلگهBölgə )، راستا، استقامت (دوغرولتوDoğrultu )، رهبر (اٶنده رÖndər )، خاطره (آنيAnı )، جايزه (اٶدولÖdül )، تعريف (تانيمTanım )، توضيح (آچيقلاماAçıqlama )، فشار، تضييق (باسقيBasqı )، تشكيل دادن، ايجاد كردن (اولوشدورماOluşdurma )، مرز (سينيرSınır )، خارج (ديشDış )، اجلاس، نشست (اوتورومOturum )، صلح (باريشBarış )، فكر (دوشونجهDüşüncə )، پيشرفت (گليشمهGəlişmə )، تاثير (ائتگيEtgi )، قطعي، حتمي (كسينKəsin )، مرثيه (آغيتAğıt )، نويسنده (يازارYazar )، ديزگهDizgə (جوراب ساق بلند)

ب- اوغوز داغارجيغي: داها سونراكي قايناق، اوغوز توركجه سينه داخيل اولان قاقاووز و توركمن ديللرينده كي سٶزجوكلردير.

ج- توركول (توركي) ديللر: ان سون قايناق ايسه اوغوز قوروپو ديشيندا قالان، باشدا اٶزبك و اويغور ديللري اولماق اوزره، اٶته كي بوتون توركول (توركي) ديللردير.

اٶته كي توركول ديل-لهجه لردن درله مه لر: اسه نƏsən (سلام، خاكاس)، ايته كİtək (تحميل، خاكاس)، اٶزه نديرمكÖzəndirmək (به هوس آوردن، خاكاس)، ايسيرماقIsırmaq (گاز گرفتن، خاكاس)، گره كسيمكGərəksimək (احتياج داشتن، خاكاس)، "توپارTopar " (زمره، تركمن)، بايينماقBayınmaq (ثروتمند شدن، قاراچاي بالكار)، تيكTik (صفر، تاتار، باشقيرت، خاكاس)، گٶرنه كGörnək (مدل، قاراقالپاق)، گٶرومGörüm (نمونه، خاكاس)، باغلامBağlam (همبسته، اٶزبك)، ييغينديYığındı (مجموعه، اٶزبك)، باقاناBaqana (ستون، قاراچاي)، كنگه شمكKəngəşmək (مشورت كردن، قاراچاي)، گٶرونجلوكGörünclük (ويترين، قاراچاي)، اٶكونمكÖkünmək (پشيمان شدن)، تيييشTıyış (مانع، قاراچاي)،

قونشو و قودا ديل-لهجه لردن درله نه ن سٶزجوكلري ديليميزه آلاركن، بيزيم لهجه نين قورال و ايلكه لري گٶز اٶنونده توتولماليدير:

اٶرنه ك:توركييه ده "دئپرئنمكDeprenmek " مصدرينين بيزيم توركجه ده كي قارشيليغي "ترپه نمكTərpənmək "دير. زلزله قارشيليغيندا توركييه ده، دئپرئمكDepremek مصدريندن "دئپرئمDeprem " كلمه سي ياپيلميشدير. بيزيم توركجه ده بو مصدر "ترپه مكTərpəmək " بيچيمينده اولدوغوندان، "زلزله" نين قارشيليغي اولاراق بو كلمه بيزيم ديله آليناركن، "ترپه مTərpəm " بيچيمينده اولماليدير.

اٶرنه ك: بيزيم ديلده كي هٶرمكHörmək مصدرينين توركييه توركجه سينده كي قارشيليغي "اٶرمكÖrmək "دير. توركييه توركجه سينده فارسجا سازمان و تشكيلات قارشيليغيندا اٶرمك مصدريندن "اٶرگوتÖrgüt " يئين دئگيسي ياپيلميشدير. بيزيم ديلده بو مصدر "هٶرمك" بيچيمينده اولدوغوندان دولايي، سازمان و تشكيلاتين قارشيليغي "هٶرگوتHörgüt " اولماليدير.

اوچونجو سيراداكي قايناق-چيخاق

يئني دئگي (نئولوژيسم) تٶره تمك: يوخاريدا سيرالانان ديرچه لتمه و درله مه يوللاري ايله اويقون سٶزجوكلر بولونماديغي دوروموندا، گونئي آزربايجان و ايران توركلري طرفيندن توركجه نين يئني دئگي تٶره تمه اولاناغيندان يارارلانماقلا، يئني توركجه سٶزجوكلر تٶره ديلمه ليدير.

بو يول توركجه نين ان دوغال، ان ايشله ك و ان گئنيش يئني دئگي قازانما يولودور. كلمه تٶره تمك كٶكلردن ياپيم اكلري ايله يئني دئگي ياپماق دئمكدير. اكله مه لي بير ديل اولان توركجه نين چوخ باي (زنگين) بير كلمه ياپما دوزه نه يي (مئكانيزماسي) واردير. توركجه نين هر بيچيمده چوخ اولان ياپيم اكلري ايله ساييسيز يئني كلمه لر ياپيلابيله ر. توركجه نين بو اولاناغي اوركه ن (هميشه) آچيقدير. آنجاق بو اولاناغين اييي، دوغرو و يئرلي يئرينده قوللانيلماسي گره كير.

يئني سٶزلري تٶره مه نين ايلكين و بيرجه آماجي، اونلارين خالقين و دانيشيق ديلينده ايشله ديلمه ويا منيمسه نمه لري دئييلدير. گئرچك آماج، ديلين ياشاماسيني سوردورمه سيني، گليشمه سيني و بايينماسيني ساغلاماق؛ گره كسينيم دويولدوغوندا، اٶز اوزمانليق آلانلارينداكي يازيلاريندا اويقون توركجه قارشيليقلاردان يارارلانماق ايسته يه نلره اونلاري – ايلگيلي سٶزلوكلرده- سونا بيلمكدير.

"ديل موهنديسلييي"نه قارشي "دوغال سوره ج"

بير- بير سيرا اٶلكه لرده يئني دئگيلري تٶره تمه دن يئتگيلي، سوروملو و اوزمان اولان شخص و شخصييتلردن اولوشموش اركله ت (دٶولت) يا دٶولت ديشي قوروملار وار اولموشدور. سٶزو ائديله ن قوروم-قوروللار، و او قورولون اويه لرينين گٶره وي، يئني سٶزجوك اٶنه رمه، اونلاري تارتيشما، سس وئرمه يولو ايله اونايلاما (تصديقله مه)، تابلاما (قبول ائتمه)، توغرالي (رسمي) يارليقلارلا توپلومدا يايماق، يايقينلاشديريلمالاريني دئنه تله مك و سورولان سورولارا يانيت وئرمكدير. باشقا بير دئييشله بو قوروملارين گٶره وي "ديل موهنديسلييي"دير.

ايكي- بو كيمي قوروم و قوروللارين وارليغي و چاليشماسي بير نئچه آچيدان يارارلي اولابيله ر. او جومله دن: يانليش دئگيلرين تٶره ديلمه ايمكانيني آزالتماق، داها چوخ ساييدا دئگي تٶره تمه ايمكانيني ياراتماق، تٶره ديله ن يئني دئگيلري اونايلاماق، تٶره ديله ن يئني دئگيلرين قيسسا بير زامان ديليمينده، ان گئنيش بيچيمينده آيدينلارلا خالق كوتله لرينين ديلينه يئرله شديره بيلمك، يئني سٶزجوك تٶره تمه ايشينده اورتايا چيخابيله جك قارقاشاني اٶنله مك و ....

اوچ- بو كيمي يئتگيلي قوروملار آراجيليغي ايله يئني دئگي تٶره تمه نين، بير سيرا اٶزه ل تاريخي دوروملاردا، اٶرنه يين اٶز دٶولتلري اولان ميللتلرده و بو دٶولتلرين ده يئته رينجه اوتوريته سي اولان توركييه و ايسراييل كيمي اٶلكه لرده باشاريلي اولما شانسي چوخ يوكسه كدير. بوگونكو "يئني توركجه" و "يئني عيبرانيجه" تملينده بو يوللا يارانميش ديللرديرلر.

دٶرد- ايران و گونئي آزربايجاندا دا بئله نچي بير و يا بير نئچه قوروم-قورولون ياراديلماسينا چابا گٶسته ريلمه لي و ياراديلاندان سونرا دا اونلارين چاليشمالارينا اوموق (دستك) وئريلمه ليدير.

بئش- آنجاق بير سيرا باشقا ديللرين اٶرنه كلرينده گٶرولدويو كيمي، بئله قوروملارين وار اولماسي، يارارلي اولسا دا گره كلي دئييلدير. "ديل موهنديسلييي" بير ديلده نئولوژيسملري ياراتما، اونايلاما و يايقينلاشديرما اوچون وار اولان و دوشونه بيله جك يول و يٶنته ملردن تكجه بيريدير.

آلتي- يئني سٶزجوكلر ياراتما و اونلاري ديله قازانديرمانين باشقا يوللاردان بيري ده "فردي تشببوث" و يا "دوغال سوره ج"دير. بورادا -رسمي بير قوروم اويه لرينين "ديل موهنديسلييي" و يئني كلمه تٶره تمه سي يئرينه- يازار، قوشار، ديلچي، گٶركسٶزچو (ادبيياتچي)، آيدين و اوزمان شخصلر فردي گيريشيملري (تشببوثلري) ايله، ايلگيلي و يئتگيلي اولدوقلاري آلانلاردا يئني دئگيلر تٶره ديرلر. تٶره ديله ن يئني دئگيلري ايسه - رسمي بير قورومون بويورقانليقلا خالقا داياتماسي و ايته كله مه سي يئرينه - داها اويقون، داها وئريملي، داها دوغال و داها دئموكراتيك بير يٶنته مله، يعني اٶز ادبي و بيليمسه ل ياپيتلاريندا ايشله ده ره ك، باشقالارينا، آيدينلارا و خالقا سونوب تارتيشماغا آچيرلار.

يئددي- بوتون ديللرده تٶره ديله ن يئني دئگيلرين توتونوب منيمسه نمه سي و اٶنه رديكلري سٶزجوكلرين اونايلانماسي دا حٶكمن آدي گئچه ن قوروم-قوروللارين الي ايله اولماماليدير. اٶرنه يين آيدين، يازار، قوشار و بيليم آداملارينين ياراتديقلاري يئني سٶزجوكلري اٶز اثرلرينده ايشله ده ره ك خالقا سونمالاري دوروموندا، يئني كلمه نين اونايلانماسي (تصديقله نمه سي)، توغرالي اويلاما (رسمي سس وئرمه) و دٶولت قورومونا دئييل؛ خالق، آيدين، يازار، قوشار، بيليم آداملاري و تاريخه بيراخيلير. بئله جه توپلوم طرفيندن اركينجه به يه نيله ن، توتولان و منيمسه نه ن تٶره تيلر قالير، منيمسه نمه يه نلر ايسه توتولمور، اونودولوب گئدير و اونلاردان تكجه اٶنه ريلديكلري سٶزجوك، پيتيك، درگي و... ده ايز قالير. دونيانين بير چوخ چاغداش ديلي او جومله دن اينگيليز، فيرانسيز، ماجار، آلمان و .... كيمي ديللر تاريخين دوغال سوره جينده اٶزلريني سوره كلي اولاراق بو يٶنته مله يئنيله يير، يئنيله شديرير، يئنيجيلله شديرير و چاغداشلاشديريرلار.

سككيز- دئگي تٶره تمه ده كي دوغال سوره ج- فردي گيريشيمچيليك يٶنته مي، اٶز ميللي دٶولتي اولمايان و هٶرگوتلو چاليشماغا آليشماميش، يا دا باتي اٶلكه لرينده كي كيمي دٶولت اوتوريته سينه آز ياويشميش (اونس توتموش) دئموكراتيك توپلوملارا داها اويقوندور.

دوققوز- دوغالين (البتته) بير ديلين بو ايكي يول و يٶنته مين هر ايكيسينه باش وورماسي و بو ايكي اولاناغين هر ايكسينه يييه (صاحيب) اولماسي، اٶزونو يئنيله مه سي آچيسيندان داها باشاريلي سونوجلار دوغوراجاقدير.

اون - ديلين يئنيله نمه سي و يئني دئگيلرين تٶره ديلمه سيني ايشيني تكجه بو قوروم-قورولا تاپشيرمانين؛ يا دا بئله بير قورول يوخ ايسه، قورولماسي مومكون دئييلسه و يا زامان آلاجاقسا، فردي گيريشيمچيليك (تشببوثو) يولونا باش وورمامانين هئچ بير آنلامي يوخدور.

يئني سٶزجوك تٶره تمه نين ايلكه لري

بير- بير ديلده يئني دئگي تٶره تمه نين بللي واختي و اويقون دٶنه مي يوخدور. ديل ديرگيلي (جانلي) بير وارليق اولدوغو اوچون، اٶزونو -اونو قونوشانلار و ايشله ده نلر آراجيليغي ايله- سوره كلي گليشديرمه لي، دونياداكي ده ييشيكلره - يئني قاوراملارا يئني تٶره تيلرله قارشيليق وئره ره ك- يانيت وئرمه لي و اونلارا اويوم ساغلاماليدير.

ايكي- ياشايان بير ديلين سوره كلي يئني دئگيلر تٶره تدييي، اٶته ياندان يئني دئگيلر تٶره تمه يه ن بير ديلين، اٶلومه دوغرو يول آلماقدا اولدوغو بيلينه ن بير گئرچه كدير.

اوچ- ايران و گونئي آزربايجان´ين ايچينده بولوندوغو قوشوللاردا، ديليميزين باخيمي و قورونماسي، ايران دٶولتينين يولا گلمه سي و نه واخت قورولاجاغي، حتتا قورولوب قورولماياجاغي بيله بللي اولمايان قوروملارين (فرهنگستان زبان و ادب تركي) اورتايا چيخماسيندان سونرايا بيراخيلانماز.

دٶرد- اٶزه لليكه بو ايش، بوتونويله اولوسلارآراسي سيياسي بير سورون اولان گونئي آزربايجان´ين اٶزه رك و يا باغيلسيز اركله تيني قورماسي ايله ايليشگيله نديريلمه مه ليدير.

بئش- ايراندا توركجه و عربجه كلمه لرين فارسجادان آتيلماسي و بو ديلده يئني قاوراملارا فارسجا قارشيليقلار آختارمانين يوز ايله ياخين بير تاريخي واردير. بوگون ايران ايسلام جومهورييتي يئني فارسجا دئگيلر تٶره تمه ايشيني سورعتله قاباغا آپارماقدادير. بوگونكو قوشوللاري گٶز اٶنونده آلاراق، ايراندا و گونئي آزربايجاندا توركجه ني قورومانين واختي، و بو آرادا يئني دئگيلرين تٶره ديلمه زاماني، گله جك دئييل اينديدير؛ يارين دئييل بوگوندور. بيز نه تك گئج قالديغيميز يئني ايفاده و كلمه لر دوزه لتمه يه ديره نگ ائتمه مه لييك، بلكه لاپ ترسي بو ايشه تله سمه ليييك.

آلتي- توركجه، توركييه و آزربايجان جومهورييتينين اولدوغو قده ر، بيزيم ده ميللي ديليميزدير. بو ندنله ده اونو منيمسه مك، قوروماق، گليشديرمك؛ اونا يييه له نمك و يٶن وئرمك، اونلارين اولدوغو دنلي (قده ر) بيزيم ده حاققيميز و گٶره ويميزدير. دوغال اولاراق اٶز ميللي ديليميزله ايلگيله نمه ميز اوچون، اونلارلا اويوم ايچينده ايش بيرلييي ياپماق- يارارلي اولسا دا- گره كلي بير قوشول دئييلدير.

يئددي- گونوموزده گونئي آزربايجان´ين ايچينده بولوندوغو قوشوللاردا، توركجه ميزده يئني سٶزجوك تٶره تمه ايشي، بللي بير كيمسه لرين، اٶزه ل بير قوروم و قورولوشلارين سوروملولوغوندا و تكه لينده دئييلدير.

سككيز- يئني دئگي تٶره تمه ايشينه هامي، اٶزه لليكله بيليم، گٶركسٶز (ادبييات)، اوزلوق (هنر)، اكينج (فرهنگ)، قوراشديريم (تكنولوژي) و يٶنه تگي (سيياست)، ژورناليسم ايله اوغراشيب بو آلانلاردا توركجه يازيب يارادان گنجلر، يئتگيلي كيمسه لر اولاراق قاتيلماليديرلار.

دوققوز- اٶنه ريله ن، ياراديلان، تٶره ديله ن يئني سٶزلري -هر يئني دئگي اوچون گره كلي و آيرينتيلي آچيقلامالار وئريله ره ك- وار اولان بوتون آراجلارلا اٶزله لليكله وئبلاق-سايتلارلا خالقا اولاشديرماق گره كير. بئله جه يئني تٶره تي حاققيندا، ديل و ائستئتيك و ... آچيلاريندان دوشونجه و گٶروش بيلديرمه ايمكاني يارانلميش اولار.

سٶزجوك تٶره تمه نين قوراللاري

بير- ديليميز فارسجا سٶزجوكلر طرفيندن ائليك (ايستيلا) ائديلدييينه گٶره، يئني دئگيلر باشدا ديليميزده كي "فارسجا" سٶزجوكلره (فارسيسم) قارشيليق تٶره ديلمه ليدير.

ايكي- ايلك باشدا ديليميزده "يايقين" اولاراق قوللانيلان، ان سيخ ايشله ديله ن و توركييه ايله آزربايجان جومهورييتلرينده ده توركجه قارشيلقلاري بولونمايان "فارسجا" سٶزجوكلره قارشيليق، توركجه سٶزجوكلرين تٶره ديلمه سي گره كليدير. ديليميزده يايقين اولاراق ايشله ديله ن هر فارسجا سٶزجويه، كسينليكله اويقون توركجه قارشيليقلار بولونماليدير:

اٶرنكلر: "يئدديجهYeddicə " (هفته)، "اوزلوقUzluq " (هنر)، "اورامUram " (خيابان)، "اورUr " (شهر)، "سئويSevi " (دوست) "آست آرخAstarx " (كهريز)، "ائوئتEvet " (بلي)، "يوكونجYükünc " (نماز)، "آغيزقاAğızqa " (پنجره)، "هٶره كHörək " (ديوار)، "اٶرتكونÖrtkün " (خرمن)، "اٶتونمكÖtünmək " (خواهش كردن)، "باهاديرBahadır " (پهلوان)، "تيگينTigin " (شاهزاده)، "خاقانXaqan " (شاه)، "ديرگيDirgi " (جان)، "سوچونSüçün " (شيرين)، "قاراغيQarağı " (كور)، "ساغيرSağır " (كر)، "گئچيكGeçik " (كوچه)، "ياشيرقاYaşırqa " (پرده)، "يالينYalın " (ساده)، "ييرYır " (آواز)،

اوچ- بير ديلين ديل بيلگيسي و ان باشدا ادات´ي، باشقا بير ديلين ايستيلاسينا اوغرارسا، او ديل يوخ اولماقدادير دئمكدير. دولاييسي ايله ديليميزده ايشله ديله ن فارسجا اداتين هاميسينا توركجه قارشيليقلار بولونمالي و فارسجا اداتين ايشله ديلمه سينه سون وئريلمه ليدير. بو قارشيليقلاري بولماق اوچون، ديرچه لتمه و درله مه يٶنته ملرينه اٶنجه ليك وئريلمه ليدير.

اٶرنه كلر: آنجاقAncaq (اما، لاكن، ولي)، اوچراUçra (چونكه، زيرا)، اويساOysa (در حاليكه)، آزيAzı (يا، و يا)، ايديİdi (اصلا، ابدا، هرگز، هيچوقت)، اركيƏrki (آيا، او گلير مي اركي؟= آيا او مي آيد؟)، آبارينAbarın (اگر، در صورتيكه، آبارين او گئتسه= اگر او برود)، دوغالينDoğalın (البته، طبيعتا)، ايسرهİsrə (به جز، به غير از، مندن ايسره= به غير از من)، ندنNədən (به چه سبب، از چه روي، چرا)، ايشتهİştə (اينك، همانا)، اوقروUqru (بدون، من اوقرو= بدون من)، نئيسهNeysə (علي اي حال، به همه حال، در هر صورت، به هر حال)، سونوجداSonucda (در نتيجه، نتيجتا)، كسينKəsin (حتمي، قطعي، محتوم)، بيرجهBircə (يگانه)، يالنيزYalnız (صرفا، منحصرا)، اوركه نÜrkən (هميشه)، ارينجƏrinc (شايد، بلكه، احتمالا، او گلدي ارينج= شايد او آمد)، ...

دٶرد- فارسجا و توركجه نين هر ايكيسينده ايشله ديله ن اورتاق عربجه سٶزجوكلرين هاميسينا، اٶزه لليكله يايقين اولاراق قوللانيلانلارا قارشيليق، توركجه سٶزجوكلرين تٶره ديلمه سي گره كليدير.

اٶرنه ك: دئگيDegi (كلمه)، مقاله (قوشانتيQoşantı )، سياست (يٶنه تگيYönətgi )، دين (بوته مBütəm )، علم (بيليمBilim )، "اركله تƏrklət " (دولت)، "كويKüy " (موسيقي)، "يئگيYegi " (غذا)، پيتيكPitik (كتاب)، بودونجBudunc (جمهوريت)، ادبيات (گٶرك سٶزGörksöz )، ادبي (گٶركولGörkül )، حرف (بيچيكBiçik )، حيوان (ايلخيIlxı )

بئش- ديليميزده ده ييشيمه اوغراميش اولان ايشله ك فارسجا سٶزجوكلر اوچون ده توركجه قارشيليقلارين تٶره ديلمه سي و ايشله ديلمه سي يئيدير:

اٶرنه ك: فارسجا كٶكه نلي اولان "چيركين"، "دسته كله مك"، "زنگين" كلمه لري يئرينه توركجه "گٶركسوزGörksüz " (گٶركلوGörklü = زيبا)، "اوموقلاماقUmuqlamaq " (اوموقUmuq = حمايت، پشتيباني، دستك) و "وارسيلVarsıl " (يوخسولYoxsul سٶزجويونده اولدوغو كيمي) سٶزجوكلري ايشله ديلمه ليدير.

آلتي- ديليميز، دوغرودان آوروپا ديللري طرفيندن يوخ اولما بئليني (تهلوكه سي) ايله قارشي قارشييا دئييلدير. دولاييسي ايله ديليميزده يايقين اولاراق قوللانيلان اولوسلارآراسي اورتاق سٶزجوكلره (انترناسيوناليسم) قارشيليق توركجه سٶزجوكلر تٶره تمك، گره كلي دئييلدير، آنجاق يارارليدير. آيريجا آوروپا كٶكه نلي كلمه لره قارشيليق آختاراندا، اونلارين يئرينه فارسجا و عربجه كلمه لر يئرله شديرمك يانليشدير.

اٶرنه ك: ماشين، تاكسي، موزئ، پوليس، مترو (آست اورAstur)، پوست (اولاقUlaq )، پيلاستيك (يوغروقYuğruq )، اينتئرنئت (هٶرون آراسيHörünarası )، ائكسپيرئس (چاپارÇapar )، تئراپي (توختاتيToxtatı )، تئرور (ييلقيYılqı )، سئكولاريسم (بونداليقBundalıq )، لائسيسم (الده مليكEldəmlik )، ديكتاتور (بويورقانBuyurqan )، دئموكراسي (ائل اركElərk )، بورژوا (اورسويUrsoy )، پاركينگ (دورلاقDurlaq )، سوپئرماركئت (يئكه ساتاقYekə sataq )، پاسپورت (گئچيشليكGeçişlik )...

يئددي- يئني ياپيلان كلمه لرده ايدي (هئچ) بير ياپماجيليق (صونعيليك) بولونمامالي و دويولماماليدير. ديل، اونو سانكي اٶزلويوندن اورتايا چيخارميش كيمي اولماليدير. هامي اونون يئني دئييل، اسكيدن بري وار اولان بير كلمه اولدوغونو سانماليدير. يئني دئگينين ياديرقانماماسي، ياپما دويقوسونو اويانديرماماسي، قوشقولار ياراتماماسي، ائعتيراض و عوصيان سسلري دوغورماماسي گره كير.

اٶرنه ك: توركييه ده تٶره ديله ن "دنگه له چDəngələç " (سوپاپ)، "ساپتاقيچSaptaqıç " (پيش بيني كننده) كيمي سٶزجوكلر باشاريلي تٶره تيلر دئييلديرلر.

سككيز- اسكي بتيكلردن (متينلردن) چيخاريلان بايري دئگيلرين بيچيملري چوخ واخت، اسكي دٶنه مين سس بيليميني (فونئتيييني) داشييير اويسا تٶره ديله ن سٶزجوكلر، اولابيلديكجه چاغداش، اٶلچوت توركجه و سسلي اويومونا ياخين اولماليدير.

اٶرنه ك: فارسجا پياده كلمه سينين اسكي توركجه ده كي قارشيليغي "ياداقYadaq "دير. بو كلمه چاغداش توركجه ميزده اورتاداكي "د"نين "ي" ايله ده ييشديريلمه سي و سونداكي "ق"نين آتيلماسي ايله، "ياياYaya " بيچيميني آلماليدير. فارسجا پياده′نين توركجه قارشيليغي، "يايا"Yaya دير. بو كٶكدن ياپيلان "يايايولوYayayolu "، پياده رو آنلاميندادير.

اٶرنه ك: اسكي توركجه ده بيمار، ابدي و مست كلمه لرينين قارشيليقلاري اولان سيرايلا "سايروSayru "، "بنگوBəñü " و "اسروكƏsrük "، گونوموزده كي چاغداش توركجه ده "سايريSayrı "، "منگيMəngi " و "اسريكƏsrik " بيچيمينده ايشله ديلمه ليديرلر.

دوققوز- توركجه اكلي بير ديل اولدوغونا گٶره، دوغرو اكلري دوغرو بير بيچيمده ايشله تمك گره كير.

اٶرنه ك: توركييه ده تٶره ديله ن "باغيمسيزBağımsız " كلمه سي توركجه ديل بيلگيسينه گٶره يانليش بيرتٶره تيدير (-م اكي فئعلدن آد ياپار، آددان دئييل). "مستقل" كلمه سي اوچون اويقون توركجه قارشيليق "باغيلسيزBağılsız "دير. (-ل اكي آددان آد ياپار: قيزيل، ياشيل، سوتول، باشيل، قومول، اوسول، آغيل، كٶنول كيمي)

اٶرنه ك: آزاد قارشيليغيندا توركييه ده تٶره ديله ن "اٶزگورÖzgür " كلمه سي اويقون دئييلدير، اوچرا (چونكو) يانليش بير اكله ياپيلميشدير. توركجه ده بو آنلام و گٶره وي اولان "–گورgür " اكي يوخدور. آزاد´ين اسكي توركجه ده كي قارشيليقلاري "اركينƏrkin " و "اٶزدنÖzdən "´دير

اون- توركجه ده اكلر ايشله ك (ديرگيلي)، آز ايشله ك و ايشله ك اولمايان اولماق اوزه ره اوچه آيريليرلار. بير ديلده يئني كلمه لر چوخ واخت ايشله ك اكلرله مئيدانا گتيريلير. آراسيرا آز ايشله ك بير اكين ايشله رليك قازانديغي دا گٶروله بيلير، آنجاق بو سئيره ك بير دورومدور.

اٶرنه ك: توركييه ده تٶره ديله ن "آراشديرماتايAraşdırmatay " (انستيتو)، "آيقالاوAyqalav " (كنفرانس) كلمه لري، سئيره ك ايشله ك اولان (-تاي، باتي توركجه سينده بو اك وار اولماميشدير) و ايشله ك اولمايان (-لاو) اكيني قوللاناراق ياپيلديقلاري اوچون، اويقون تٶره تيلر دئييلديرلر.

اون بير- يئني تٶره ديله ن سٶزجوكلرنين ساغلام اولماسي توركجه ديل بيلگيسي و قوراللارينا اويقون اولاراق ياپيلماسينا باغليدير.

اٶرنه ك: آذربايجان بودونجوندا (جومهورييتينده) فارسجا شماره و اعلاميه قارشيليغيندا ايشله ديله ن "سايSay " و "بيلديريشBildiriş " سٶزجوكلري تورك ديل بيلگيسي آچيسيندان يانليشدير. "شماره" و "اعلاميه"نين توركجه دوزگون قارشيليقلاري "ساييSayı " و "بيلديريBildiri "دير (اعلانيه نين توركجه قارشيليغي "دويوروDuyuru "دور).

اون ايكي- تٶره ديله ن سٶزجوكلر، يانليش كٶك اساسيندا ياپيلميش اولماماليدير.

اٶرنه ك: توركييه ده سمبول آنلاميندا تٶره ديله ن سيمگهSimgə سٶزجويو يانليشدير. توركجه ده بو آنلامدا اولان سيمSim كٶكو يوخدور.

اون اوچ: تٶره ديله ن سٶزجوكلر آنلام قارقاشاسينا يول آچماماليديرلار.

اٶرنه ك: "كلمه" قارشيليغيندا توركييه ده اٶنه ريله ن "سٶزجوكSözcük " كلمه سي، كيچيك سٶز، بالاجا سٶز كيمي يانليش آنلاملارا يول آچماقدادير، اوچرا –جيك اكي كيچيلتمه اكيدير. آنلام اولاراق يانليش اولماسينا رغمن بو تٶره تي، نه تك توركييه ده بلكه آزربايجاندا دا چوخ گئنيش ياييلميش و خالق ديلينده منيمسه نميشدير. بيزجه بو كلمه ني قورتارمانين تك يولو، -جيك اكينين ايكينيجي آنلامي اولان، "بير شئيين ده يه ريني آلچالتماق و آشاغيلاتماق"دان كٶمه ك آلماق و "سٶزجوك" كلمه سيني، يالنيز داها اوستون ديل اولان ادبي و يازيلي ديله گيرمه ميش، دانيشيق و سٶزه ل ديل و آغيزلارا خاص اولان و يابانجي كٶكه نلي كلمه لر آنلاميندا ايشله تمكدير)

اٶرنه ك: "بيوگرافي" كلمه سي قارشيليغيندا توركييه ده تٶره ديله ن "اٶز گئچميش Özgeçmiş" كلمه سي آنلامجا قارقاشايا يول آچديغيندان اويقون بير تٶره تي دئييلدير. بوراداكي "اٶز" كلمه سي ائشيده ن كيمسه ده قييساليق، اٶزه تليك آنلاميني اويانديرير. اويسا بيوگرافي چوخ اوزون دا اولابيله ر. بو آچيدان بيوگرافي كلمه سي اوچون آزربايجان بودونجوندا اٶنه ريله ن "ايللرليكİllərlik " كلمه سي داها اويقوندور.

اون دٶرد- تٶره ديله ن سٶزجوكلر كسينليكله سس ده ييشيمي قوراللارينا اويماليديرلار.

اٶرنه ك: اسكي توركجه ده "مدح و تحسين كردن"، "پند و موعظه دادن"، "مادر" و "تصميم" آنلاملاريني داششيان، "اٶگ" بيچيمينده بيرجه سٶزجوك وار ايدي. بوگون ايسه اسكي اٶگ بيچيمي بير نئچه يئني بيچيمه آيريشميش و "اٶو.مكÖvmək " (مدح كردن؛ اٶوگوÖvgü =مدح و قدرداني)، "اٶگÖg " (تصميم؛ اٶگله شمكÖgləşmək =تصميم گرفتن)، "اٶي.مكÖymək " (پند دادن؛ اٶيوتÖyüt = پند و اندرز) و "اٶكÖk " (مادر؛ اٶكسوزÖksüz =بدون مادر) سٶزجوكلري اورتايا چيخارميشدير.

اٶرنه ك: اسكي توركجه ده ادعا، خبر، پيغام و سخن آنلاملاري داشييان "ساب" سٶزجويو، بوگون ايدديعا آنلاميندا گله ن "ساوSav " بيچيمينده سٶيله نير. بو كٶكدن ياپيلان "ساوجيSavcı " سٶزجويو، دادستان، مدعي العموم آنلاميندادير. (خبرين قارشيليغي ساليقSalıq دير)

اون بئش- تٶره ديله ن سٶزجوكلرين قولاغا ياتقين اولماسي يئيدير.

اٶرنه ك: اسكي توركجه ده فارسجا "هنر" سٶزجويونه ايكي قارشيليق واردير: "دٶروتDörüt " و "اوزلوقUzluq ". بونلاردان "اوزلوقUzluq " كلمه سي قولاغا داها ياتقين اولدوغو اوچون يئيله نمه ليدير. بو كٶكدن ياپيلان "اوزلوUzlu " و "اوزمانجUzmanc " (هنرمند)، "اوزلوجاUzluca " (هنرمندانه) و "اوزولUzul " (هنري) سٶزجوكلري واردير. (آنجاق دٶروت سٶزجويونه ده سٶزلوكلرده – اونودولماماسي اوچون- كسينليكله يئر وئريلمه ليدير).

اٶرنه ك: فارسجا فرهنگ سٶزجويونه قارشيليق، اسكي توركجه ده "كئيينديريكKeyindirik " و يئني تٶره ديله ن "اكينجƏkinc " دئگيلري واردير. بونلاردان اكينج سٶزجويو قولاغا داها ياتقين اولدوغو اوچون يئيدير. (آنجاق كئيينديريك سٶزجويونه ده سٶزلوكلرده – اونودولماماسي اوچون- كسينليكله يئر وئريلمه ليدير).

اون آلتي- تٶره ديله ن توركجه يئني دئگينين، قارشيليغيندا تٶره ديلميش يابانجي سٶزجوكلردن قيسساراق اولماسي يئيدير.

اٶرنه ك: ايستگاه كلمه سينه قارشيليق آزربايجان جومهورييتينده "داياناجاقDayanacaq " و توركييه ده "دوراقDuraq " كلمه لري ايشله ديلير. دوراق كلمه سي داها قيسسا اولدوغو اوچون داياناجاقدان اوستونره كدير.
اٶرنه ك: فارسجا ناآرامي سٶزجويو قارشيليغيندا آذربايجان جومهورييتينده ايشله ديله "حوضورسوزلوقHüzursuzluq " قارشيليغي، اصل كلمه دن داها اوزون اولدوغو اوچون اويقون بير قارشيليق دئييلدير. ناآرامي نين توركجه قارشيليغي، "دارقينجDarqınc "دير.

اٶرنه ك: آزربايجان بودونجوندا "قيزيل آيQızılay " قارشيليغيندا ايشله ديله ن "قيرميزي آي پاراQırmızı Aypara "، آشيري اوزون اولدوغو اوچون اويقون بير تٶره تي دئييلدير. (آيريجا قيرميزي كلمه سي توركجه دئييلدير)

اٶرنه ك: توركييه ده تئوكراسيTeokrasi قارشيليغيندا اٶنه ريله ن "دينجي اركيDinci Ərki "، ايكي كٶك كلمه و ايكي اكدن اولوشدوغو اوچون اويقون بير تٶره تي دئييلدير. (آيريجا دين كلمه سي توركجه دئييلدير). تئوكراسي´نين اويقون توركجه قارشيليغي "اوغان اركUğanərk "دير. ("اوغانUğan " اسكي توركجه ده تانري دئمكدير).

اون يئددي- تٶره ديله ن سٶزجوكلرين كٶك سٶزجوكلر اولماسي يئيدير. بئله بير سٶزجوكدن گره كدييينده راحاتليقلا يئني سٶزجوكلر ياراديلابيله ر:

اٶرنه ك: شهر كلمه سي قارشيليغيندا اسكي توركجه ده بالقاسونBalqasun و يئني اٶنه ريله ن اورUr سٶزجوكلري واردير. بونلاردان اور كلمه سي كٶك سٶزجوك اولدوغو اوچون داها اوستون و يئيره كدير. بالقاسوندان تٶره ديله جك يئني توره ولر چوخ اوزون اولدوقلاري حالدا، اور كلمه سيندن چوخ ساييدا قيسسا و قولاغا ياتقين يئني سٶزجوكلر اوره تيله بيله ر: اورداشUrdaş (همشهري)، اورلوUrlu (شهري)، اورباشUbaş (شهردار)، اورجوقUrcuq (شهرك)، اورتيكيمUrtikim (شهرسازي)، اورلارآراسيUrlararası (بين شهري)، اورلوقUrluq (شهرداري). (آنجاق بالقاسون سٶزجويونه ده سٶزلوكلرده – اونودولماماسي اوچون- كسينليكله يئر وئريلمه ليدير).

اٶرنه ك: تونل كلمه سي قارشيليغيندا اٶنه ريله ن اويوتOyut و ايچ گئچيتİçgeçit كلمه لريندن، اويوتOyut كٶك كلمه اولدوغو اوچون داها اوستوندور.

اٶرنه ك: كشاورزي كلمه سي قارشيليغيندا آزربايجان جومهورييتينده ايشله ديله ن كند تصرروفاتيKənd təsərrüfatı و ايران-توركييه ده ايشله ديله ن تاريمTarım كلمه لري واردير. تاريم كٶك كلمه اولدوغو اوچون داها اويقوندور.

اٶرنه ك: اسكي توركجه ده تقويم قاريشيليغيندا "ييمYim " سٶزو ايشله ديليردي. بو سٶز كٶك كلمه اولدوغو اوچون، يئنيجه اٶنه ريله ن "سوره لگهSürelge ، گون بيلگيسيGünbilgisi ، گون سايارGünsayar " كيمي سٶزجوكلردن داها اويقون و اوستونره كدير.

اون سككيز- آنلامي تركجه و يئيينليكله آنلاشيلان سٶزجوكلر، گئچ و چتين آنلاشيلان سٶزجوكلردن يئيره كديرلر.

اٶرنه ك: فارسجا شادي كلمه سي قارشيليغيندا ديليميزده سئوينجSevinc و اٶگرونجÖgrünc كلمه لري واردير. سئوينج كلمه سي تركجه و يئيينليكله آنلاشيلديغي اوچون داها يئيدير. (آنجاق اٶگرونج سٶزجويونه ده سٶزلوكلرده – اونودولماماسي اوچون- كسينليكله يئر وئريلمه ليدير).

اٶرنه ك: فارسجادا درصد كلمه سي قارشيليغيندا آزربايجان جومهورييتينده فاييضFaiz و توركييه ده يوزدهYüzdə كلمه لري ايشله ديلير. يوزدهYüzdə كلمه سيندن نه آماچلانديغيني ائشيده ن بير شخص، اونو آپ آيدين سئزه بيلدييي اوچون درصد كلمه سينين قارشيليغي اولاراق داها اويقوندور.

اٶرنه ك: فارسجادا ايشله ديله ن عربجه "انشعاب" كلمه سي قارشيليغيندا "قوپونتوQopuntu " سٶزو تٶره ديلميشدير. بو يئني دئگينين تركجه قوپماقلا ايلگيلي اولدوغو آنلاشيلديغي اوچون اويقون بير تٶره تيدير.

اٶرنه ك: آزربايجان بودونجوندا "استخر" قارشيليغيندا ايشله ديله ن "چيمه رليكÇimərlik " دئگيسي سون درجه قولاي آنلاشيلان بير سٶزجوك اولدوغو اوچون اويقون بير اٶنه ريدير.

اٶرنه ك: توركييه ده "رسيد" آنلاميندا تٶره ديله ن "آلينديAlındı " كلمه سي قولاي آنلاشيلير بير دئگي اولدوغوندان اويقون بير تٶره تيدير.

اون دوققوز- هر بير يابانجي سٶزجويه قارشيليق-بو سٶزجويون تك بير آنلامي وارسا- تك بير سٶزجوك تٶره ديلمه ليدير.

اٶرنه ك: "غرب" سٶزجويو قارشيليغندا تكجه "باتيBatı " سٶزجويو ايشله ديلمه ليدير و بو كلمه نين قارشيليغي اولاراق گون باتار كلمه سي ايشله ديلمه مه ليدير. "گون باتارGünbatar " تكجه "مغرب" كلمه سينين قارشيليغيندا ايشله ديلمه ليدير. ("غروب" قارشيليغيندا ايسه باتسيقBatsıq ايشله ديلمه ليدير)

اٶرنه ك: هابئله، "شرق" و "مشرق" سٶزجوكلري قارشيليغندا، سيراسي ايله "دوغوDoğu " و "گون دوغارGündoğar " كلمه لري ايشله ديلمه ليدير. ("طلوع" قارشيليغيندا ايسه "دوغسوقDoğsuq " ايشله ديلمه ليدير)

اٶرنه ك: "خبر" آنلامي قارشيليغيندا اسكي دٶنه ملرده "ساوSav " و "ساليقSalıq " سٶزلري ايشله ديليبدير. بوگون ساو يالنيز "ايدديعا" (دوغرولوغو قانيتلانماميش بير خبر) آنلاميندا ايشله ديليدييي اوچون، "خبر"ين توركجه قارشيليغي "ساليقSalıq "دير.

اٶرنه ك: "فرهنگ" آنلامي قارشيليغيندا "اردمƏrdəm " و يئنيجه تٶره ديلميش "اكينجƏkinc " سٶزجوكلري واردير. بوگون اردم يالنيز "معرفت" آنلاميندا ايشله ديلدييي اوچون، "فرهنگ"ين توركجه قارشيليغي "اكينجƏkinc "دير.

ييرمي- بير نئچه ياخين يا دا بوتونويله آيريق (فرقلي) آنلامي اولان يابانجي سٶزجوكلرين، هر آنلامي اوچون آيريجا بير توركجه سٶزجوك تٶره ديلمه ليدير.

اٶرنه ك: فارسجا ايشله ديله ن "فعال" سٶزجويون اوچ آنلامي واردير: "كوشا" (بير قونو و يا آلاندا چوخ چاليشان كيمسه)، "آكتيويستActivist " (بللي بير آماج اوغروندا ساواشيم وئره ن كيمسه) و "اكشينيستActionist " (سوموت بير ائيله مه قاتيلان كيمسه). كوشا آنلاميندا اولان "فعال" سٶزجويونون توركجه قارشيليغي "چاليشقانÇalışqan "، "آكتيويست" آنلاميندا اولان فعال سٶزجويونون توركجه قارشيليغي "چاباجيÇabacı ، چابامانÇabaman " و "اكشينيست" قارشيليغينداكي فعال سٶزجويونون توركجه قارشيليغي "ائيله مچيEyləmçi "دير.

اٶرنه ك: فارسجا "روان" سٶزجويونون ايكي آنلامي واردير: "فصيح" و "روح". فصيح آنلاميندا اولان روان سٶزجويونون توركجه قارشيليغي "آخيجيAxıcı " و "روح" آنلاميندا اولان "روان" سٶزجويونون توركجه قارشيليغي "تينTin "دير.

اٶرنه ك: فارسجادا ايشله ديله ن "تاريخ" كلمه سينين ايكي "گئچميش اولايلارHistory " و "مورخهDate " آنلاملاري واردير. گئچميش اولايلار آنلامينداكي تاريخين توركجه قارشيليغي "اٶته كÖtək " و مورخه آنلامينداكي تاريخين توركجه قارشيليغي "ايلايگونİlaygün "دور.

اٶرنه ك: فارسجا ايشله ديله ن "معبد" كلمه سيندن آماج، عيبادت يئري ايسه "تاپيناقTapınaq "، زييارتگاه ايسه "گٶروشگهGörüşgə "، قوتسال مكان ايسه "يئگ ائوYegev "، مسجيدسه "يوكونجله كYükünclək "، مقبره ايسه "ياتيرYatır "، ... كلمه لري ايشله ديلمه ليدير.

اٶرنه ك: فارسجادا ايشله يله ن تبعيض سٶزجويونون آنلامي اولوملو (مثبت) تبعيض سه "آيريجاليقAyrıcalıq "، اولومسوز (منفي) تبعيضسه "آيريمچيليقAyrımçılıq " اولماليدير.

اٶرنه ك: فارسجاداكي آزادي كلمه سي اينگيليزجه فيريديمFreedom آنلاميندا ايسه توركجه ده كي قارشيليغي "اركينليكƏrkinlik "، اينگيليزجه ليبئرتيLiberty آنلاميندا ايسه قارشيليغي "اٶزدنليكÖzdənlik "دير. (توركييه ده تٶره ديله ن "اٶزگورÖzgür " سٶزجويو يانليش بير تٶره تيدير)

اٶرنه ك: فارسجادا ايشله ديله ن "نو" كلمه سينين توركجه قارشيليغي، "معاصر" ايسه "چاغداشÇağdaş "، "مدرن" ايسه "يئنيجيلYenicil "، "جديد" ايسه "يئنيYeni "، "تازه" (نان تازه) ايسه "آجارAcar "، "تكرار" (از نو) ايسه "گينهGinə ، يينهYinə "دير.

ييرمي بير- فارسجا سٶزجوكلره قارشيليق تٶره ديله ن يئني سٶزجوكلر، توركجه كٶكلر و اكلر آراجيليغي ايله ياپيلمالي و يا توركجه كٶك كلمه دن اولوشماليدير. يئني دئگيلر تٶره تمك اوچون كسينليله فارسجا كٶك و اكلر قوللانيلماماليدير. بو آچيدان آزربايجان جومهورييتينده فارسجا كٶك و اكلردن (-ي، -نده، -خانه، -پرور، -كار، -گر، -بين، هم-، نا-، بي-....) يارارلاناراق تٶره ديله ن يوزلرجه سٶزجويون هاميسي يانليش ساييلير.


اٶرنه ك: خالقيميزين آديني ده ييشديرمه ك اوچون قونداريلان "آزريÂzəri " (آز+ه ر+ي) كلمه سي و بوتون تورك خالقلاري و ديللريني آدلانديرماق اوچون توركييه ده Turkic قارشيليغي اولاراق ايشله ديله ن "توركيTürki " كلمه لري فارسجا-عربجه "-ي" اكي كٶمه يي ايله ياپيلديقلاري اوچون اويقون دئييلديرلر. آزر´ده كي "-ه ر" اكي، فارسجا "-ي" اكي قارشيليغيندا اولدوغو اوچون، -ي اكله مه يه گره ك يوخدور و بو كلمه نين دوغرو بيچيمي "آزرAzər "دير. توركيك كلمه سينين توركجه قارشيليغي ايسه "توركولTürkül "دور (آددان آد ياپان -ل اكي ايله؛ قيزيل، ياشيل، سوتول، باشيل، قومول، اوسول، آغيل، كٶنول كيمي)

اٶرنه ك: فارسجا "همبستگي" سٶزجويو قارشيليغيندا آزربايجان بودونجوندا (جومهورييتنده) ايشله ديله ن "همرايليكHəmrəylik " كلمه سي فارسجا (هم) + عربجه (راي) + توركجه (ليك) كلمه لريندن اولوشموش بير كلمه اولدوغوندان دولايي، اويقون بير قارشيليق دئييلدير. فارسجا همبستگي سٶزجويونون توركجه قارشيليغي، "دايانيشماDayanışma "دير.

اٶرنه ك: فارسجا بيمارستان قارشيليغيندا ايشله ديله ن خسته خانا و مريضخانا و فارسجا باغ وحش قارشيليغيندا ايشله ديله ن "حئيوان خانا" تركيبلرينده نه كٶك كلمه لر و نه ده "-خانا" اكي توركجه دئييلدير. بيمارستان′ين توركجه قارشيليغي "سايري ائويSayrıevi " و باغ وحش´ين قارشيليشي "ايلخي ائويIlxıevi "دير.

اٶرنه ك: توركييه ده تلرانس قارشيليغيندا تٶره ديله ن "خوش گٶروHoşgörü " تركيبي، فارسجا "خوش" كلمه سي ايله ياپيلديغي اوچون اويقون تٶره تي دئييلدير. تلرانس´ين اويقون توركجه قارشيليغي "دٶزونDözün " (دٶزمكDözmək مصدريندن) دئگيسيدير.

اٶرنه ك: توركييه ده "تحميلي" و "اجباري" آنلاملاري قارشيليغيندا تٶره ديله ن "زورونلوZorunlu " كلمه سي فارسجا "زور" كٶك كلمه كٶمه يي ايله ياپيلديغي اوچون اويقون بير تٶره تي دئييلدير. "اجباري"نين اويقون توركجه قارشيليغي ايتمكİtmək و ايته له مكİtələmək مصدرلريندن اولان "ايته كİtək "دير. (ماليات اجباري= ايته ك وئرگيİtək vergi ، حجاب اجباري= ايته ك اٶرته كİtək örtək ، مجبوريت= ايته كليكİtəklik ، مجبور= ايته كليİtəkli ، مجبور شدن= ايته كله نمكİtəklənmək ، مجبور كردن=ايته كله مكİtəkləmək ).

اٶرنه ك: فارسجا آوازخوان سٶزجويونون قارشيليغيندا آزربايجان بودونجوندا (جومهوريسينده) ايشله ديله ن خانندهXanəndə (خواننده) و موغننيMüğənni (مغني) كلمه لري، يابانجي فارس و عرب كٶكه نليديرلر. خاننده و موغنني′نين توركجه قارشيليغي آواز آنلاميندان اولان "ييرYır " كٶكوندن ياپيلميش "ييرچيYırçı " و "ييرارYırar "دير.

اٶرنه ك: ماهواره، كانديد، مس، پايتخت، تظاهرات، خوشبين، محصل قارشيليغيندا آزربايجان جومهورييتينده ايشله ديله ن پئيك، نامزد، ميس، پايتاخت، نوماييش، نيكبين، طلبه كلمه لري فارسجا و يا عربجه اولدوقلاري اوچون تابلانمازديرلار (قبول ائديلمه زديرلر). ماهواره نين توركجه قارشيليغي اويدوUydu ، نامزدين آدايAday ، ميسين پاخيرPaxır ، پايتاختين باشكندBaşkənd ، نوماييشين گٶسته ريGöstəri ، نيكبينين ايييمسه رİyimsər ، طلبه نين اٶيره نجيÖyrənci دير.

دٶردونجو سيراداكي قايناق-چيخاق

يابانجي دئگي آلماق: يئني بير نسنه يا قاورامين گلدييي يئردن، آديني دا بيرليكده آلماق دئمكدير. آلينان يابانجي دئگي، يا ديلده قارشيليغي اولمايان، يا دا اولوب آنجاق گينه ده ديله آلينان آرتيق بير سٶزجوكدور. بيرينجي دورومدا ديلده قارشيلاشان يئني بير نسنه و يا قاورامين كلمه سي يوخدور. اٶزه لليكله اشيالارين بيرليكده گتيرديييي كلمه لرين ديله سورعتله گيرمه و ياييلما گوجو واردير:

اٶرنه ك: آيت، غزل، هندسه، كيميا، اوتوموبيل، رادييو، تئلئفون، تئلئويزييون، موتور، بانك، پوست

ايكينجي دورومدا ديله گيره ن يابانجي كلمه نين او ديلده اٶنجه دن قارشيليغي واردير. بئله آرتيق كلمه لرين ديله گيرمه سينين ندنلري چئشيت و ده ييشيكليك ايسته يي؛ يابانجي كلمه لره اٶزه نمه؛ يابانجيلاري يانسيلاما؛ كلمه لر آراسينداكي وار اولان چالار (نوانس)؛ يابانجي سٶزجويون قيسساليق، يايقينليق، اينجه لييي؛ و تصادوف اولاراق سيرالانابيله ر.

اٶرنه ك: يئميش Yemiş -مئيوه، آسلان Aslan -شير، باهادير Bahadır -پهلوان، خاقان Xaqan -شاه، بن Bən - خال، ام Əm -دوا،

لاپ ياخشيسي بير ديلين اٶز قايناقالاريندان بسله نمه سيدير. آنجاق ديللرين كلمه آليش وئريشلري، اكينج (كولتور) ايليشكيلري و اويقارليق (مدنييت) ائتگيلريندندير و اونلاردان قاچماق اولاسي (مومكون) دئييلدير. بو اوزدن ديللرده يابانجي كٶكه نلي كلمه لر اوركه ن (هميشه) بولونور. ديله يابانجي كلمه آلماق دئييل، يابانجي ديل بيلگيسي (قيرامئر) قورالي آلماق بئلينليدير (تهلوكه ليدير).
---------------------------------------------
سٶزلوكSözlük :

آچيAçı : زاويه
آخينAxın : هجوم
آراجArac : ابزار
آراجيليقAracılıq : واسطه گري
آراماقAramaq : جستجو كردن
آرتيقArtıq : اضافي
آشاماAşama : مرحله
آلانAlan : عرصه
آلينتيAlıntı : اقتباس
آنجاقAncaq : اما، ولي،لاكن
آنلامAnlam : معني
آيريشماAyrışma : افتراق
آيرينتيليAyrıntılı : مفصل
ائتگيEtgi : تاثير
ائتمه نEtmən : عامل
ائليكElik : استيلا
ائييتيمEyitim : پرورش
اركله تƏrklət : دولت
اركينƏrkin : آزاد
اكƏk : علاوه
اكله مه ليƏkləməli : التصاقي
اكينجƏkinc : فرهنگ
اوچراUçra : زيرا، چونكه
اورUr : شهر
اوركه نÜrkən : هميشه
اوزلوقUzluq : هنر
اوزمانUzman : متخصص
اوزمانليقUzmanlıq : تخصص
اولاسيOlası : محتمل
اولاناقOlanaq : امكان
اولاناقليOlanaqlı : ممكن
اولوشماقOluşmaq : متشكل شدن، پديدار شدن
اولومسوزOlumsuz : منفي
اولوملوOlumlu : مثبت
اوموقUmuq : حمايت، پشتيباني
اونايلاماقOnaylamaq : تصديق كردن
اويساOysa : در حاليكه
اويقارليقUyqarlıq : مدنيت
اويقونUyqun : مناسب
اويومUyum : هماهنگي
اويهÜyə : عضو
ايته كله مكİtəkləmək : تحميل كردن، مجبور كردن
ايديİdi : هيچ
ايشله كİşlək : رايج
ايلكهİkə : اصل
ايلكينİlkin : نخستين
اٶرنه يينÖrnəyin : به عنوان مثال، مثلا
اٶزگونÖzgün : اصيل
اٶزه ركÖzərk : خودمختار
اٶزه نمكÖzənmək : هوس كردن
اٶلچوÖlçü : اندازه
اٶلچوتÖlçüt : معيار
اٶنجه ليكÖncəlik : ارجحيت
اٶنه رمكÖnərmək : پيشنهاد كردن
اٶيره تيمÖyrətim : آموزش
بئلينBelin : خطر
باسينBasın : مطبوعات
باش وورماقBaş vurmaq : مراجعه كردن
باشاريBaşarı : موفقيت
باشاريليBaşarılı : موفق
باغلامBağlam : همبسته، پيوند
باغيلسيزBağılsız : مستقل
بايريBayrı : آرخائيك
بايلاشديرماقBaylaşdırmaq : غني كردن
بايينماقBayınmaq : ثروتمند شدن
بتيكBətik : متن
بليرله ييجيBəlirləyici : تعيين كننده
بودونBudun : خلق
بودونجBudunc : جمهوريت
بويورقانليقBuyurqanlıq : استبداد
بيتگيسه لBitgisəl : گياهي
بٶلگه سه لBölgəsəl : منطقه اي
پيتيكPitik : كتاب
تابلاماقTablamaq : قبول كردن
تارتيشماقTartışmaq : بحث كردن
تركجهTərkcə : به سرعت، سريعا
تكه لTəkəl : انحصار
توپارTopar : زمره، دسته
توركولTürkül : توركي، توركيك
توغراليTuğralı : رسمي
تٶره تمكTörətmək : ايجاد كردن
تٶره تيTörəti : ايجاد شده، توليد شده، محصول
چاباÇaba : تقلا
چاغداشÇağdaş : معاصر
چالارÇalar : نوانس
چيخاقÇıxaq : ماخذ
دئگيDegi : سخن، كلمه، گفته
دئنه تله مكDenətləmək : كنترل كردن
دئنه تيمDenətim : كنترل
دئورهDevrə : دور
دئوريمDevrim : انقلاب
داغارجيقDağarcıq : دائره لغات
دامقاDamqa : مهر
درله مكDərləmək : جمع آوري كردن
دنليDənli : قدر، اندازه
دوراقساماDuraqsama : مكث، سكته
دورلوDürlü : متنوع
دوزئيDüzey : سطح
دوزه نه كDüzənək : مكانيزم
دوغالDoğal : طبيعي
دوغالينDoğalın : البته
دوغرودانDoğrudan : مستقيما
ديرچه لتمكDirçəltmək : احيا كردن
ديرگيDirgi : جان
ديرگيليDirgili : زنده، حي، جاندار
ديره نگDirəng : درنگ، معطلي
دٶنه مDönəm : عهد، دوره
سئيره كSeyrək : نادر
ساغلاماقSağlamaq : تامين كردن
سالديريSaldırı : حمله
ساواشيمSavaşım : مبارزه
سايريSayrı : بيمار،مريض
سوروملوSorumlu : مسئول
سورونSorun : مساله
سوره جSürəc : روند
سوره كليSürəkli : متماديا
سونماقSunmaq : عرضه كردن، تقديم كردن
سونوجSonuc : نتيجه
سينSin : قبر
سٶزجوكSözcük : كلمه (در زبان محاوره، لهجه ها و با ريشه خارجي)
سٶزه لSözəl : محاوره اي
قاپساماقQapsamaq : شامل بودن
قارشيليقQarşılıq : معادل
قارقاشاQarqaşa : اغتشاش، هرج و مرج
قاورامQavram : مفهوم
قايناقQaynaq : منبع
قوداQuda : خويشاوند
قوراشديريمQuraşdırım : تكنولوژي
قورالQural : قاعده
قورولQurul : هئيت، كميته
قورومQurum : موسسه، نهاد
قوشارQoşar : شاعر
قوشاقQuşaq : نسل
قوشوقQoşuq : شعر
قوشولQoşul : شرط
قولايQolay : راحت، آسان
قوللانماقQullanmaq : به خدمت در آوردن
قوللانيشQullanış : كاربرد
قونوشماقQonuşmaq : صحبت كردن
قيسيتليQısıtlı : محدود
كٶكله شيكKökləşik: كلاسيك
گئچه رليGeçərli : معتبر
گره كسينيمGərəksinim : احتياج
گره كليGərəkli : واجب
گليشديرمكGəlişdirmək : توسعه دادن
گونده ليكGündəlik : روزانه
گيريشيمGirişim : تشبث
گٶركسٶزچوGörksözçü : ادبياتشناس
گٶركولGörkül : ادبي
گٶره وGörəv : وظێفه
نسنهNəsnə : شئي
وورقولاماقVurqulamaq : تاكيد كردن
هٶرگوتHörgüt : سازمان، تشكيلات
يئتگيليYetgili : صلاحيتدار
يئته رسيزYetərsiz : نارسا
يئره لYerəl : محلي
يئنيجيلYenicil : مدرن
يئنيدئگيYenidegi : نئولوژيسم
يئنيله شمهYeniləşmə : تجدد
يئيYey : به، خوب
يئيره كYeyrək : بهتر
ياپماجيليقYapmacılıq : تصنع
ياديرقاماقYadırqamaq : بيگانه شمردن
يارارلانماقYararlanmaq : استفاده كردن
يارليقYarlıq : فرمان
يارينYarın : فردا
يازينYazın : نوشتاري
ياشامYaşam : حيات، زندگي
يالنيزYalnız : صرفا، فقط
يالينYalın : ساده
يانيتYanıt : پاسخ، جواب
يانيلقيYanılqı: خطا، اشتباه
ياويشماقYavışmaq : انس گرفتن
يايقينلاشديرماقYayqınlaşdırmaq : رايج كردن
يايماقYaymaq : گستردن
يايينYayın : انتشارات
يوخسونYoxsun : محروم
يٶنYön : طرف
يٶنته مYöntəm : روش، متد
يٶنه تگيYönətgi : سياست